ନୂଆଦିଲ୍ଲୀ : ହରିୟାଣାର ଫରିଦାବାଦ ଜିଲାରେ ରବିବାର ବିଳମ୍ବିତ ରାତିରେ ହଇଚଇ ସୃଷ୍ଟି କରିବା ଭଳି ଏକ ଘଟଣା ଘଟିଛି । ଗ୍ରୀନ୍ ଫିଲ୍ଡ କଲୋନୀ ସ୍ଥିତ ଏକ ଘରେ ପ୍ରଥମ ମହଲାରେ ଏସି ଫାଟିବା ପରେ ନିଆଁ ଲାଗି ଗୋଟିଏ ପରିବାରର ୩ ସଦସ୍ୟଙ୍କ ମୃତ୍ୟୁ ହୋଇଛି । ଏପରିକି ପୋଷାକ କୁୁକୁରର ମଧ୍ୟ ଏଥିରେ ମୃତ୍ୟୁ ଘଟିଛି ।
ମୃତକ ମଧ୍ୟରେ ପରିବାରର ମୁଖିଆ ସଚିନ୍ କପୁର, ତାଙ୍କ ପତ୍ନୀ ରିଙ୍କୁ କପୁର ଓ ଝିଅ ସୁଜାନ କପୁର ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ଘଟଣା ସାମ୍ନାକୁ ଆସିବା ପରେ ଅଞ୍ଚଳରେ ଶୋକର ଛାୟା ଖେଳି ଯାଇଛି । ପଡୋଶୀ ମଧ୍ୟ ଏହି ଘଟଣାରେ ସ୍ତବ୍ଧ ହୋଇଯାଇଛନ୍ତି ।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ ରାତିରେ ହଠାତ୍ ଖୁବ୍ ଜୋରରେ ଶବ୍ଦ ହୋଇଥିଲା । ଏହାପରେ ଘରୁ ପ୍ରବଳ ଧୂଆଁ ଓ ନିଆଁ ଦେଖାଯାଇଥିଲା । ଖବର ପାଇ ଅଗ୍ନିଶମ କର୍ମଚାରୀ ପହଞ୍ଚିଲା ବେଳକୁ ସମ୍ପୂର୍ଣ୍ଣ ଘର ନିଆଁରେ ଜଳି ଧୂଆଁମୟ ହୋଇଯାଇଥିଲା । ଶ୍ୱାସରୁଦ୍ଧ ହୋଇ ପରିବାରର ୩ ସଦସ୍ୟଙ୍କ ମୃତ୍ୟୁ ହୋଇଥିଲା । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଜାରି ରଖିଛି ।
ଆରମ୍ଭ ହେଲା ପିତୃପକ୍ଷ : ଜାଣନ୍ତୁ କେଉଁ କାର୍ଯ୍ୟ ବର୍ଜନୀୟ; କ’ଣ କରିବେ ନାହିଁ ଦାନ
