ଗୁରୁଡିଝାଟିଆ: ଗୁଜୁରାଟର ଅହମଦାବାଦ ଠାରେ ଜାତୀୟ ରୋଇଂ ପ୍ରତିଯୋଗୀତାରେ ଆଠଗଡ ବ୍ଲକ ବାଳି ଗାଁର ଝିଅ ତଥା ବାଳି କଲେଜର ଛାତ୍ରୀ ସୋନାଲିକା ଦାସ ବ୍ରୋଞ୍ଜ ପଦକ ହାସଲ କରି ନିଜ ମହାବିଦ୍ୟାଳୟ ତଥା ରାଜ୍ୟ ପାଇଁ ଗୌରବ ଆଣିଦେଇଛନ୍ତି। ସୋନାଲିକା ବାଳିସ୍ଥିତ ଶ୍ରୀ ଶ୍ରୀ ଧବଳେଶ୍ୱର ବିଜ୍ଞାନ ଓ ବୈଷୟିକ ମହାବିଦ୍ୟାଳୟର +୩ ଦ୍ୱିତୀୟ ବର୍ଷର ଛାତ୍ରୀ ଅଟନ୍ତି। ଖେଲୋ ଇଣ୍ଡିଆ ଦ୍ୱାରା ଚୟନ ହୋଇ ରୋଇଂ ବିଭାଗରେ ମନୋନୀତ ହୋଇ କ୍ରିଡ଼ା ବିଭାଗର ଛାତ୍ରାବାସରେ ପ୍ରଶିକ୍ଷଣ ନେଉଥିଲେ।
ଅକ୍ଟୋବର ୩ ତାରିଖ ଦିନ ଗୁୁଜୁରାଟର ଅହମଦାବାଦ ଠାରେ ଅନୁଷ୍ଠିତ ଜାତୀୟ ରୋଇଂ ପ୍ରତିଯୋଗୀତାରେ ସୋନାଲିକା ବ୍ରୋଞ୍ଜ ପଦକ ହାସଲ କରିଥିବାରୁ ଆଠଗଡ ବିକାଶ ମଞ୍ଚ ସଭାପତି ମାନସ ବସ୍ତିଆ ସୋନାଲିକା ରହୁଥିବା ବାଳିସ୍ଥିତ ମାମୁଁ କୃଷ୍ଣଚନ୍ଦ୍ର ଦାସ ଓ ସନ୍ଧ୍ୟାରାଣୀ ଦାସଙ୍କ ଘରେ ପହଞ୍ଚି ସମ୍ବର୍ଦ୍ଧିତ କରିବା ସହ ଉଜ୍ୱଳ ଭବିଷ୍ୟତ କାମନା କରିଥିଲେ।
