ଦେଶ ତଥା ରାଜ୍ୟରେ କଂଗ୍ରେସ ଦଳ ଦଳ ଧୀରେ ଧୀରେ ନିମ୍ନକୁ ଖସୁଥିବା ବେଳେ ଦଳୀୟ କନ୍ଦଳ ଓ ଗୋଷ୍ଠୀ କନ୍ଦଳ ତୀବ୍ରତର ହେବାରେ ଲାଗିଛି। ଆଜି ପ୍ରଦେଶ କଂଗ୍ରେସ କମିଟିର ସାଧାରଣ ବୈଠକ ପୂର୍ବରୁ ଏଭଳି ଏକ ଅଭାବନୀୟ ପରିସ୍ଥିତି ସୃଷ୍ଟି ହୋଇଛି। ବୈଠକ ପୂର୍ବରୁ ଓବିସି ସେଲ ଅଧ୍ୟକ୍ଷ ବିଷ୍ଣୁ ଚରଣ ବାରିକଙ୍କୁ କଂଗ୍ରେସର ଅନ୍ୟ ଏକ ଗୋଷ୍ଠୀ ବିରୋଧ କରିବା ଫଳରେ ଏଭଳି ପରିସ୍ଥିତି ସୃଷ୍ଟି ହୋଇଥିବା ସୂଚନା ମିଳିଛି। ବିରୋଧୀ ଗୋଷ୍ଠୀ ଅଭିଯୋଗ କରିଛନ୍ତି ଯେ ଓବିସି ସେଲ ଅଧ୍ୟକ୍ଷ ବିଷ୍ଣୁ ଚରଣ ବାରିକ ଦଳ ବିରୋଧୀ କାର୍ଯ୍ୟରେ ଲିପ୍ତ ଅଛନ୍ତି ଏବଂ ସେ ବିଜେଡି ସହ ହାତ ମିଳାଇ କାର୍ଯ୍ୟ କରୁଥିବା କୁହାଯାଇଛି। ବିରୋଧୀ ଗୋଷ୍ଠୀ ସଭାସ୍ଥଳରେ ଭଙ୍ଗାରୁଜା କରିଥିବା ଜଣାପଡିଛି। ସେମାନେ ଦାବି କରିଛନ୍ତି ଯେ ଯଦି ବିଷ୍ଣୁ ବାରିକ ବୈଠକରେ ଭାଗ ନେବେ, ସେମାନେ ବୈଠକ କରାଇଦେବେ ନାହିଁ।
ପରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଘଟଣାସ୍ଥଳରେ ପହଂଚିବା ପରେ ପ୍ରତିକ୍ରିୟା ଦେଇ କହିଛନ୍ତି ଯେ କେହି ବି ଆଜିର ଘଟଣା ପାଇଁ ଦାୟୀ ଥିବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସେ ଲାହିଛନ୍ତି, ଶୃଙ୍ଖଳା ଓ ଅନୁଶାସନରୁ କେହି ଉର୍ଦ୍ଧ୍ବରେ ନୁହନ୍ତି।
ଅନ୍ୟପକ୍ଷରେ ଓବିସି ସେଲ ଅଧ୍ୟକ୍ଷ ବିଷ୍ଣୁ ଚରଣ ବାରିକ କହିଛନ୍ତି ଯେ ତାଙ୍କ ସାନ ଭାଇର ବିଜେଡି ନେତାଙ୍କ ସହ ସମ୍ପର୍କ ଅଛି ଓ ସେ ବିଜେଡି ସହ ସମ୍ପର୍କରେ ଥିବା କଥା ସମ୍ପୂର୍ଣ୍ଣ ଅମୂଳକ। ତେବେ ସବୁପରେ ବି ‘ଆମକୁ ମିଟିଂ କରିବାକୁ ଦିଆଯାଉ ବୋଲି’ ବିଧାୟକ ସୁର ରାଉତରାୟ କହିଛନ୍ତି।
