ନୂଆଦିଲ୍ଲୀ : ଗ୍ରୀସରେ ଏକ ବଡ ଧରଣର ଅଘଟଣ ଘଟିଥିବା ନେଇ ବୁଧବାର ଖବର ମିଳିଛି। ଏଠାରେ ଦୁଇଟି ଟ୍ରେନ ପରସ୍ପର ମଧ୍ୟରେ ଧକ୍କା ହୋଇ ଏଯାଏଁ ୨୬ ଜଣଙ୍କ ମୃତ୍ୟୁ ହୋଇଥିବା ଜଣାପଡିଥିବା ବେଳେ ପ୍ରାୟ ୮୫ରୁ ଅଧିକ ଲୋକେ ଆହତ ହୋଇଛନ୍ତି। ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି। ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଉଛି। ରିପୋର୍ଟ ଅନୁଯାୟୀ, ଏହି ଦୁର୍ଘଟଣା ଗ୍ରୀକ ସହର ଥେସାଲୋନିକି ଓ ଲାରିସା ମଧ୍ୟରେ ହୋଇଛି।
ସୂଚନା ଯୋଗ୍ୟ, ବିଳମ୍ବିତ ରାତିରେ ଏକ ଯାତ୍ରୀବାହୀ ଟ୍ରେନ୍ ଏବଂ ଏକ ମାଲବାହୀ ଟ୍ରେନ୍ ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣା ଖୁବ୍ ଭୟଙ୍କର ଥିଲା। ଫଳରେ ଅନେକ ବଗି ଧାରଣାରୁ ଖସି ଯାଇଥିଲା । ତିନୋଟି ବଗିରେ ନିଆଁ ଲାଗିଯାଇଥିଲା। ଯାତ୍ରୀବାହୀ ଟ୍ରେନରେ ବହୁ ସଂଖ୍ୟକ ଯାତ୍ରୀ ଏହି ଦୁର୍ଘଟଣାର ଶିକାର ହୋଇଥିଲେ। ଏପର୍ୟ୍ୟନ୍ତ ୨୬ ଜଣଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ୮୫ ରୁ ଅଧିକ ଆହତଙ୍କୁ ଡାକ୍ତରଖାନା ନିଆଯାଇଛି। ସେଥିମଧ୍ୟରୁ ୨୫ ଜଣଙ୍କ ଅବସ୍ଥା ଗୁରୁତର ରହିଛି। ଏହି ଦୁର୍ଘଟଣା ପରେ ଅନେକ ଭିଡିଓ ମଧ୍ୟ ଭାଇରାଲ ହୋଇଥିଲା । ଏଥେନ୍ସଠାରୁ ପ୍ରାୟ ୨୩୫ ମାଇଲ ଦୂରରେ ଥିବା ଟେମ୍ପି ନିକଟରେ ଘଟିଥିବା ଏହି ଘଟଣାର ଅନେକ ଭିଡିଓ ଏବଂ ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ଉଦ୍ଧାର କାର୍ଯ୍ୟ ହେଉଥିବା ମଧ୍ୟ ଦେଖାଯାଇଛି। ସ୍ଥାନୀୟ ପୁଲିସର ସୂଚନାନୁସାରେ ଅନେକ ବଗି ଖସି ଯାଇଥିଲା ।
ଯାତ୍ରୀବାହୀ ଟ୍ରେନ୍-ମାଲବାହୀ ଟ୍ରେନ ଧକ୍କା ; ୨୬ ମୃତ,୮୫ ଆହତ
Popular Categories
Previous article
Next article