ଗୋପାଳପୁର : ସୋମବାର ସକାଳେ ମାଛ ମାରିବାକୁ ସମୁଦ୍ର ଭିତରକୁ ଡ଼ଙ୍ଗାରେ ୫ ଜଣ ମତ୍ସ୍ୟଜୀବୀ ଯାଇଥିବା ବେଳେ ଡ଼ଙ୍ଗା ଓଲଟି ପଡ଼ିବାରୁ ଜଣେ ମତ୍ସ୍ୟଜୀବୀ ନିଖୋଜ ହୋଇଯାଇ ଥିବା ବେଳେ ୪ ଜଣ ମତ୍ସ୍ୟଜୀବୀ ସୁରକ୍ଷିତ କୂଳକୁ ଫେରିଥିଲେ । ନିଖୋଜ ରହିଥିବା ଥିବା ବ୍ୟକ୍ତି ଜଣକ ଗୋପାଳପୁର ସତ୍ୟ ସାଇବାବା ସାହିର ବି.ଜେଙ୍ଗମେୟା ବୋଲି ଜଣାପଡ଼ିଛି। ସ୍ଥାନୀୟ ମତ୍ସ୍ୟଜୀବୀ ବହୁ ଖୋଜା ଖୋଜି କରିଥିଲେ। କିନ୍ତୁ କୌଣସି ସତ୍ୟଙ୍କ କୌଣସି ପତ୍ତା ପାଇନଥିଲେ।
ନିଖୋଜ ହୋଇଥିବା ସତ୍ୟଙ୍କ ପତ୍ନୀ ବି.ପୋତାମ୍ମା ଗୋପାଳପୁର ଥାନାରେ ଏ ସଂକ୍ରାନ୍ତରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପରେ ନିଖୋଜ ଥିବା ନେଇ ପୁଲିସ କେସ ନଂ ୨୭/୨୫ ମାମଲା ରୁଜୁ ସହ ତଦନ୍ତ ଆରମ୍ଭ କରିଥିଲା। ଥାନା ଅଧିକାରୀ ପ୍ରଶାନ୍ତ କୁମାର ମଲିକ ଓ ବ୍ରହ୍ମପୁର ଅଗ୍ନିଶମ ବାହିନୀର ଅଧିକାରୀ ଠାକୁର ପ୍ରସାଦ ଦଳେଇ ଓ ସହଯୋଗୀ ଦଳ ସମୁଦ୍ର ମଧ୍ୟରେ ପ୍ରାୟ ତିନି ଘଣ୍ଟା ୨ଟି ଜେସ୍କି ବୋଟରେ ଖୋଜା ଖୋଜି କରିବା ସହ ଏମବିଟି ଗାଡ଼ିରେ ମଧ୍ୟ ସମୁଦ୍ର କୁଳ ରେ ଖୋଜାଖୋଜି କରିଥିଲେ। ଆଜି ସୁଦ୍ଧା ନିଖୋଜ ବ୍ୟକ୍ତିଙ୍କ ପତ୍ତା ମିଳି ନାହିଁ ବୋଲି ଥାନା ଅଧିକାରୀ ପ୍ରଶାନ୍ତ କୁମାର ମଲିକ ସୂଚନା ଦେଇଛନ୍ତି।
Comments are closed.