ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ସ୍ଥିତ ନୂଆଁ ସାହିରେ ଭଡା ଘରେ ରହୁଥିବା ମହିଳା କନେଷ୍ଟବଳ ଯାଜ୍ଞସିନୀ ବେହେରା (୨୭) ଶୁକ୍ରବାର ରାତିରେ ବେକରେ ଦୌଡ଼ି ଦେଇ ଆତ୍ମହତ୍ୟା କରିଥିବା ଜଣାପଡିଛି। ମହିଳା ଜଣକ ବ୍ରହ୍ମପୁର ପୁଲିସ ଜିଲ୍ଲାରେ ଏପିଆର ପୋଲିସ କନେଷ୍ଟବଳ ଭାବେ କାର୍ଯ୍ୟରତ ଥିବା ଜଣାପଡିଛି। ଘଟଣା ନେଇ ମୃତ ମହିଳା କନେଷ୍ଟବଳଙ୍କ ମା’ ଭାବେ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ଗୋପାଳପୁର ପୁଲିସ ବ୍ରହ୍ମପୁର ବଡ ମେଡିକାଲରେ ପହଞ୍ଚି ଶବକୁ ଜବତ କରିବା ସହ ଏହା ନେଇ ୧୬/୨୧ରେ ଏକ ଅପମୃତ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଥିବା ଥାନା ଅଧିକାରୀ ମାଧବାନନ୍ଦ ନାୟକ କହିଛନ୍ତି।
ସୂଚନାଯୋଗ୍ୟ ଯେ ମୃତ ଯାଜ୍ଞସିନୀଙ୍କ ସ୍ଵାମୀ ଟି. ଜନାର୍ଦ୍ଦନ ଜେନା ମଧ୍ୟ ଏପିଆର କନେଷ୍ଟବଳ ଭାବେ କାର୍ଯ୍ୟରତ ରହିଛନ୍ତି। ଶୁକ୍ରବାର ଦିନ ନବ ଜନ୍ମିତ ଝିଅର ୨୧ ଦିନ ପାଳନ କରାଯାଇଥିଲା। ଘରେ ଉଭୟ ପରିବାରର ସମସ୍ତ ସଦସ୍ୟ ମଧ୍ୟ ଉପସ୍ଥିତ ରହିଥିଲେ। କୌଣସି କାରଣରୁ ଯାଜ୍ଞସିନୀ ସମସ୍ତେ ଶୋଇ ପଡିବା ପରେ ରାତିରେ ବେକରେ ଦଉଡ଼ି ଦେଇ ଆତ୍ମହତ୍ୟା କରିଥିଲେ। ପରିବାର ଲୋକେ ଝୁଲନ୍ତା ଅବସ୍ଥାରେ ଯାଜ୍ଞସିନୀକୁ ଦେଖି ଉଦ୍ଧାର କରିବା ସହ ତୁରନ୍ତ ବ୍ରହ୍ମପୁର ମେଡ଼ିକାଲ ନେଇଥିଲେ। କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ପୁଲିସ କହିଛି।
Comments are closed.