ଗଞ୍ଜାମ ବ୍ଲକରେ ମରୁଡି ପରିସ୍ଥିତି ଅନୁଧ୍ୟାନ କଲେ ବିଜେପି ପ୍ରତିନିଧି

ଗଞ୍ଜାମ: ଗଞ୍ଜାମ ବ୍ଲକ ରେ ଦେଖା ଦେଇଥିବା ମରୁଡି ପରିସ୍ଥିତି ଅନୁଧ୍ୟାନ ପାଇଁ ରାଜ୍ୟ  ବିଜେପିର ଏକ ପ୍ରତିନିଧି ଦଳ ଶନିବାର ଆସିଥିବା ଜଣାପଡିଛି। ସେମାନେ ଗଞ୍ଜାମ ବ୍ଲକର ଜହମି ଓ ହୁମା ଅଞ୍ଚଳ ବୁଲି ଦେଖିଥିଲେ। ବର୍ଷା ଅଭାବ ଯୋଗୁଁ ଜମିଗୁଡିକ ପଡିଆ ରହିଥିବା ସେମାନେ ଦେଖିବା ସହ ଏହି ସମସ୍ୟା ନେଇ ଚାଷୀମାନଙ୍କ ସହ ଆଲୋଚନା କରିଥିଲେ। ଚାଷୀମାନେ ସେମାନଙ୍କ ଅସୁବିଧା ଓ଼ ମରୁଡି ପରିସ୍ଥିତି ସମ୍ପର୍କରେ ବିଜେପି ପ୍ରତିନିଧିଙ୍କୁ ଅବଗତ କରିଥିଲେ।

 

ଏହି ପ୍ରତିନିଧି ଦଳରେ ବ୍ରହ୍ମଗିରି ବିଧାୟକ ଲଲିତେନ୍ଦୁ ବିଦ୍ୟାଧର ମହାପାତ୍ର , ବିଜେପି ନେତ୍ରୀ ଅନିତା ପ୍ରିୟଦର୍ଶନି, ରାଜ୍ୟ ଉପସଭାପତି ଭୃଗୁବକ୍ସିପାତ୍ର, ପ୍ରଶାନ୍ତ କର, ବ୍ଲକ ଅଧ୍ୟକ୍ଷ ପ୍ରଶାନ୍ତ କୁମାର ନାୟକ, ଜିଲାପରିଷଦ ସଭ୍ୟ ରଶ୍ମିରାଣୀ ମହାପାତ୍ର, ଗଞ୍ଜାମ ନଗର ସଭାପତି ସୁଦାମ ଜେନାଙ୍କ ସମେତ ପ୍ରାୟ ୫୦ଜଣ  ବିଜେପି କର୍ମୀ ସାମିଲ ହୋଇଥିଲେ।

Comments are closed.