ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ନବୀନ ନିବାସରେ ପୁରୀ ଗଜପତି ମହାରାଜ ଦିବ୍ୟସିଂହ ଦେବଙ୍କ ପୁସ୍ତକ ‘ମେଜେଷ୍ଟିକ ମାରା’ ଉନ୍ମୋଚନ କରିଛନ୍ତି। ଏହା ଏକ ସୁନ୍ଦର ଭ୍ରମଣ ପୁସ୍ତକ ବୋଲି ମତ ପ୍ରକାଶ କରିବା ସହ ଏହା ପାଠକମାନଙ୍କୁ ଆକୃଷ୍ଟ କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଏହି ପୁସ୍ତକରେ ମହାରାଜଙ୍କ କେନିଆ ଭ୍ରମଣ କାହାଣୀ ବର୍ଣ୍ଣିତ ରହିଛି। ମହାରାଜ ଦିବ୍ୟସିଂହ ଦେବଙ୍କ କେନିଆର ମସାଇ ମାରା ଅଞ୍ଚଳ ପରିଦର୍ଶନ ସମୟରେ ଅନେକ ତଥ୍ୟ ଓ ଚିତ୍ର ସମ୍ବଳିତ ହୋଇଛି।
ଏହି ଲୋକାର୍ପଣ ଉତ୍ସବରେ ନୂଆଦିଲ୍ଲୀରେ ଅବସ୍ଥିତ କେନିଆର ହାଇକମିଶନର ୱିଲି ବେଟ୍, କେନିଆ ଜାତୀୟ ଆସେମ୍ଲିର ଉପବାଚସ୍ପତି ମୋସେସ ଚେବୋଇ ଓ କେନିଆର ବିଶିଷ୍ଟ ବ୍ୟକ୍ତିମାନେ ଉପସ୍ଥିତ ଥିଲେ।
