ଭୁବନେଶ୍ୱର: ପୂର୍ବତନ ମନ୍ତ୍ରୀ ନବ କିଶୋର ଦାସଙ୍କ ପରିବାର ଲୋକଙ୍କ ବୟାନ ରେକର୍ଡ ପରେ କ୍ରାଇମବ୍ରାଞ୍ଚ ଟିମ୍ ଝାରସୁଗୁଡ଼ା ବିମାନ ବନ୍ଦରରେ ଖୋଳତାଡ଼ ଆରମ୍ଭ କରିଛି। ବହୁ ଚର୍ଚ୍ଚିତ ନବ ଦାସଙ୍କ ହତ୍ୟା ମାମଲାର ସାନି ତଦନ୍ତବେଳେ କ୍ରାଇମବ୍ରାଞ୍ଚ ଟିମ୍ ପକ୍ଷରୁ ଝାରସୁଗୁଡ଼ା ବିମାନ ବନ୍ଦରରେ ଖୋଳତାଡ଼ କରାଯାଇଛି। ମଙ୍ଗଳବାର କ୍ରାଇମବ୍ରାଞ୍ଚ ଟିମ୍ ନବ ଦାସଙ୍କ ପରିବାର ଲୋକଙ୍କ ବୟାନ ରେକର୍ଡ କରିଥିବାବେଳେ ଆଜି ଝାରସୁଗୁଡ଼ା ବିମାନବନ୍ଦରରେ ଖୋଳତାଡ଼ କରିଛି।
ଗୁଳିକାଣ୍ଡ ପରେ ନବ ଦାସ ଝାରସୁଗୁଡ଼ା ବିମାନ ବନ୍ଦରରୁ ଭୁବନେଶ୍ୱରକୁ ଏୟାରଲିଫ୍ଟ ହୋଇଥିଲେ। କେତେବେଳେ ଏବଂ କିପରି ଏୟାରଲିଫ୍ଟ ହୋଇଥିଲା କ୍ରାଇମ ଟିମ୍ ତାହାର ତଦନ୍ତ କରୁଛି। ଏହାସହିତ ନବ ଦାସଙ୍କୁ ଏୟାରଲିଫ୍ଟବେଳେ କିଏ ରହିଥିଲେ ତାହାର ଖୋଳତାଡ଼ କରୁଛି।
ସାନି ତଦନ୍ତର ଦ୍ୱୀତିୟ ଦିନରେ କ୍ରାଇମ ବ୍ରାଞ୍ଚ ଟିମ୍ ନବ ଦାସଙ୍କ ସରବାହଲସ୍ଥିତ ବାସଭବନରେ ପହଞ୍ଚି ତଦନ୍ତ କରୁଛି। ମଙ୍ଗଳବାର ୭ ଘଣ୍ଟାରୁ ଅଧିକ ସମୟ ବୟାନ ରେକର୍ଡ କରିଥିଲା କ୍ରାଇମବ୍ରାଞ୍ଚ।
