ରାଜଗାଙ୍ଗପୁର: ସାଧାରଣ କଥାରୁ ଦୁଇ ବ୍ୟକ୍ତିଙ୍କ ମଧ୍ୟରେ ଗୁଳିମାଡ଼ ହେବା ସୁନ୍ଦରଗଡ଼ ଜିଲାର ଅନ୍ୟତମ ଶିଳ୍ପ ସହର ରାଜଗାଙ୍ଗପୁରରେ ଆଲୋଡ଼ନ ସୃଷ୍ଟି କରିଛି । ଏହି ଘଟଣାରେ ଜଣେ ଆହତ ହୋଇଛନ୍ତି । ପୁଲିସ ଗୁଳିମାଡ଼ କରିଥିବା ବ୍ୟକ୍ତିଙ୍କୁ ଗିରଫ କରିଛି । ସୂଚନା ଅନୁସାରେ ରାଜଗାଙ୍ଗପୁର ଥାନା କୁମ୍ଭାର ପଡା ବସ୍ତିରେ ଅର୍ଜୁନ ବଡାଇକଙ୍କ ସହ ସେହି ଅଞ୍ଚଳର ମନୀଷ ଦାସ ନାମକ ଜଣେ ବ୍ୟକ୍ତିଙ୍କର ପୂର୍ବ ଶତ୍ରୁତା ରହିଥିଲା । ସେହି ଘଟଣାକୁ କେନ୍ଦ୍ରକରି ଅର୍ଜୁନଙ୍କୁ ମନୀଷ ଗୁଳି କରିଥିଲା। ଗୁଳିଟି ତାଙ୍କ ହାତରେ ବାଜିଥିଲା। ଏଥିରେ ସେ ଗୁରୁତର ଆହତ ହୋଇଥିଲେ । ପୁଲିସ ମନୀଷଙ୍କୁ ଗିରଫ କରିଛି ଓ ସେ ବ୍ୟବହାର କରିଥିବା ଦେଶୀ ବନ୍ଧୁକଟିକୁ ଜବତ କରିଛି ।
Popular Categories
Previous article
Next article