ଥାନେ: ମହାରାଷ୍ଟ୍ରର ଥାନେ ଜିଲାରେ ବିନା ଅନୁମତିରେ ମାନବ ଶୃଙ୍ଖଳ କରି ପ୍ରତିବାଦ ଶୋଭାଯାତ୍ରାରେ ସାମିଲ ହୋଇଥିବା ଅଭିଯୋଗରେ ୧୦୦ଜଣରୁ ଅଧିକ ଲୋକଙ୍କ ନାମରେ ମାମଲା ରୁଜୁ ହୋଇଛି ବୋଲି ପୁଲିସ ସୂଚନା ଦେଇଛି।
ଶନିବାର ମୁମ୍ବରା ଅଞ୍ଚଳର ୬ଟି ସ୍ଥାନରେ ବିନା ଅନୁମତିରେ ପ୍ରତିବାଦ ଶୋଭାଯାତ୍ରା ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା। ମହାରାଷ୍ଟ୍ର ପୁଲିସ ଆଇନ ଅନୁଯାୟୀ ଲାଗୁ ହୋଇଥିବା ନିଷିଦ୍ଧ ନିର୍ଦ୍ଦେଶ ସତ୍ତ୍ୱେ ମେ’୧୬(ଶୁକ୍ରବାର) ତାରିଖ ଅପରାହ୍ନରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ୧୦୦ ରୁ ଅଧିକ ଲୋକ ପ୍ରତିବାଦ ସଭା ଏବଂ ବିକ୍ଷୋଭ ପ୍ରଦର୍ଶନରେ ଅଂଶଗ୍ରହଣ କରିଥିଲେ। ବିକ୍ଷୋଭକାରୀଙ୍କ ବିକ୍ଷୋଭ ପ୍ରଦର୍ଶନ ଯୋଗୁଁ ଯାତାୟାତ ବାଧାପ୍ରାପ୍ତ ହୋଇଥିଲା ଏବଂ ସେମାନେ ନିଷେଧାଦେଶ ଆଇନ ଉଲ୍ଲଂଘନ କରିଥିଲେ। ଏହି ପ୍ରତିବାଦ ପାଇଁ କୌଣସି ଅନୁମତି ଦିଆଯାଇ ନଥିଲା।
ତେବେ ଆୟୋଜକମାନେ ବିକ୍ଷୋଭ ପ୍ରଦର୍ଶନ ସହ ଆଗକୁ ବଢ଼ିଥିଲେ। ଏହାଦ୍ବାରା ସାମ୍ପ୍ରଦାୟିକ ସଦ୍ଭାବନା କ୍ଷୁର୍ଣ୍ଣ ହୋଇଥିବାବେଳେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇଥିଲା। ଭାରତୀୟ ନ୍ୟାୟ ସଂହିତା (ବିଏନଏସ) ମହାରାଷ୍ଟ୍ର ପୁଲିସ ଆଇନର ପ୍ରାସଙ୍ଗିକ ଧାରା ଅନୁଯାୟୀ ୧୦୦ଜଣଙ୍କ ନାମରେ ଏକ ମାମଲା ରୁଜୁ କରାଯାଇଛି ଏବଂ ତଦନ୍ତ ଜାରି ରହିଛି ବୋଲି ପୁଲିସ ସୂଚନା ଦେଇଛି।
