ନୂଆଦିଲ୍ଲୀ . – ଆସନ୍ତା ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର କୃଷକମାନଙ୍କର ୪ ଲକ୍ଷ କୋଟି ଟଙ୍କାର ଋଣ ଛାଡ କରିପାରନ୍ତି ବୋଲି ସୂଚନା ମିଳିଛି । ସଦ୍ୟ ପ୍ରକାଶିତ ୫ଟି ରାଜ୍ୟର ବିଧାନ ସଭା ଫଳାଫଳ ପରେ କେନ୍ଦ୍ର ସରକାର କୃଷକମାନଙ୍କ ସହାନୁଭୂତି ପାଇବା ପାଇଁ ଏପରି କରିପାରନ୍ତି ବୋଲି ବିଭିନ୍ନ ଜାତୀୟ ଓ ଅନ୍ତର୍ଜାତୀୟ ଖବର ପ୍ରକାଶନ ସଂସ୍ଥା ଖବର ପ୍ରକାଶ କରିଛନ୍ତି । ପୂର୍ବରୁ ୨୦୦୮ ମସିହାରେ କଂଗ୍ରେସ ସରକାର ଥିବା ବେଳେ କୃଷକମାନଙ୍କର ପ୍ରାୟ ୭୨ ହଜାର କୋଟି ଟଙ୍କା ଋଣ ଛାଡ କରାଯାଇଥିଲା ।
ଭାରତରେ ୨୬.୩ କୋଟିରୁ ଅଧିକ ଲୋକ କୃଷକ । ୫ଟି ରାଜ୍ୟର ବିଧାନସଭା ନିର୍ବାଚନରେ କୃଷକଙ୍କ ପ୍ରସଙ୍ଗ ନିର୍ବାଚନ ଫଳାଫଳ ଉପରେ ପ୍ରଭାବ ପକାଇଥିବା ଚର୍ଚ୍ଚା ହେଉଛି । କୃଷକଙ୍କୁ ଆକୃଷ୍ଟ କରିବା ପାଇଁ ସରକାର ଏପରି ପଦକ୍ଷେପ ଗ୍ରହଣ କରିପାରନ୍ତି ବୋଲି ଅନ୍ତର୍ଜାତୀୟ ଖବର ପ୍ରସାରଣ ସଂସ୍ଥା ରଏଟରରେ ଏକ ଖବର ପ୍ରକାଶିତ ହୋଇଛି । ସାଧାରଣ ନିର୍ବାଚନ ପାଇଁ ଆଉ ଅଳ୍ପ ଦିନ ବାକି ଥିବାରୁ ସରକାର ଏହି ନିଷ୍ପତ୍ତି ନେଇ ପାରନ୍ତି ବୋଲି ଆକଳନ କରାଯାଉଛି ।
