ନବରଙ୍ଗପୁର : ଆବଶ୍ୟକ ସାର ମିଳୁନଥିବା ପ୍ରତିବାଦ କରି ନବରଙ୍ଗପୁର ବ୍ଳକର ଚାଷୀ ମାନେ ଗାନ୍ଧୀଛକରେ ଧାରଣାରେ ବସିବା ସହ ଦୀର୍ଘ ସମୟଧରି ରାଜରାସ୍ତା ଅବରୋଧ କରିଥିଲେ। ଜିଲାର ୧୩ଟି ଲାମ୍ପ୍ସରେ ସାର ମିଳୁନଥିବା ଅଭିଯୋଗ ହୋଇଛି। ଜିଲାରେ ୯୦ ହଜାର ମେଟ୍ରିକ ଟନ ସାରର ଆବଶ୍ୟକ ରହିଥିବାବେଳେ ମାତ୍ର ୬୦ ହଜାର ମେଟ୍ରିକ ଟନ ଆସିଥିବା କୁହାଯାଇଛି। ଅଧିକାଂଶ ସ୍ଥାନରେ ସାରର କଳା ବଜାର ହେଉଥିବାବେଳେ ପ୍ରକୃତ ଗରୀବ ଓ ମଧ୍ୟବିତ୍ତଚାଷୀ ସାର ପାଇବାରୁ ବଞ୍ଚିତ ହୋଇଥିବା ଅଭିଯୋଗ କରିଛନ୍ତି । ତେବେ ଅତିରିକ୍ତ ଜିଲାପାଳ ଭାସ୍କର ରଇତ ଆସି ବୁଝାସୁଝା କରି ତିନିଦିନ ଭିତରେ ସାର ଅଭାବ ପୂରଣ କରାଯିବାର ପ୍ରତିଶୃତି ଦେବାପରେ ସାମୁହିକ ଭାବେ ଧାରଣ ପ୍ରତ୍ୟାହାର କରାଯାଇଛି। ଏହି ଆନ୍ଦୋଳନରେ କୃଷକ ନେତା ବୃନ୍ଦାବନ ତ୍ରିପାଠୀ, ଜିଲା ବିଜେପିସଭାପତି ଜଗଦିଶ ଚନ୍ଦ୍ର ବିଷୋୟୀ, ରାଜ୍ୟ କାର୍ଯ୍ୟକାରିରୀ ସଦସ୍ୟ ଗୈାରୀଶଙ୍କର ମାଝୀ, ଜିଲା କୃଷକ ମୋର୍ଚ୍ଚା ସଭାପତି ଅରୁଣ ପୂଜାରୀ, ଜିଲା ମହିଳା ମୋର୍ଚ୍ଚା ସଭାପତି ଶର୍ମିଷ୍ଠା ଦେଓ, ନଗର ସଭାପତି ପିଣ୍ଟୁ ମିଶ୍ରଙ୍କ ସମେତ ବହୁ ସଂଖ୍ୟାରେ ଚାଷୀ ମାନେ ଯୋଗ ଦେଇଥିଲେ।
Popular Categories
Previous article
Next article