ରଣପୁରଗଡ: ରଣପୁରଗଡ଼ ଅନ୍ତର୍ଗତ ପିମ୍ପଲ ଗ୍ରାମରେ ଶନିବାର ଅପରାହ୍ନରେ ବଜ୍ରାଘାତ ଯୋଗୁ ଦାଶରଥି ରାଉତରାୟ(୫୫) ଓରଫ ଦାସିଆ ନାମକ ଜଣେ କୃଷକଙ୍କ ମୃତ୍ୟୁ ଘଟିଛି। ଦାଶରଥି ଜମିକୁ ଧାନ ରୋଇବା ପାଇଁ ଯାଇଥିଲେ। କିନ୍ତୁ ସନ୍ଧ୍ୟା ପର୍ଯ୍ୟନ୍ତ ଘରକୁ ନ ଫେରିବାରୁ ପରିବାର ଲୋକେ ଜମି ଆଡ଼େ ଖୋଜିବାକୁ ଯାଇଥିଲେ। ଦାଶରଥି ଜମିରେ ଅଚେତ ଅବସ୍ଥାରେ ପଡ଼ିଥିବା ଦେଖି ତାଙ୍କୁ ଉଦ୍ଧାର କରି ରଣପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଦାଶରଥି ଜଣେ ଗରିବ କୃଷକ ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଅଞ୍ଚଳବାସୀ ଦାବି କରିଛନ୍ତି।
Popular Categories
Previous article
Next article