ନୂଆଦିଲ୍ଲୀ : ପ୍ରତିରକ୍ଷା ବାହିନୀକୁ କୌଣସି ପ୍ରକାର ରାଜନୈତିକ କାର୍ଯ୍ୟ ତଥା ପ୍ରଚାରରେ ଜଡ଼ିତ ନ କରିବାକୁ ନିର୍ବାଚନ କମିଶନ ସମସ୍ତ ରାଜନୈତିକ ଦଳ ଓ ପ୍ରାର୍ଥୀମାନଙ୍କୁ ପୁଣି ସତର୍କ କରାଇଛନ୍ତି । କମିଶନ ସବୁ ରାଜନୈତିକ ଦଳଗୁଡ଼ିକର ସଭାପତିମାନଙ୍କୁ ପରାମର୍ଶ ଜାରିକରି ଲୋକସଭା ନିର୍ବାଚନ ସମୟରେ ଆଦର୍ଶ ଆଚରଣ ବିଧି ଉଲଂଘନ ପ୍ରତି ସତର୍କ ରହିବାକୁ କହିଛନ୍ତି ।
ଭୋଟରମାନଙ୍କୁ ଜାତି କିମ୍ବା ସାଂପ୍ରଦାୟିକ ଭାବନା ଭିତ୍ତିରେ ଭୋଟ୍ ନ ମାଗିବା ପାଇଁ ମଧ୍ୟ ପରାମର୍ଶ ଦିଆଯାଇଛି। ପାରସ୍ପରିକ ସୌହାର୍ଦ୍ଦ୍ୟ ନଷ୍ଟହେବା ଓ ଘୃଣାଭାବ ସୃଷ୍ଟିହେବା ଭଳି କୌଣସି କାର୍ଯ୍ୟକଳାପରୁ ନିବୃତ୍ତ ରହିବା ପାଇଁ କମିଶନ ପରାମର୍ଶ ଦେଇଛନ୍ତି ।
ସେନା ବାହିନୀକୁ ରାଜନୈତିକ ପ୍ରଚାରରେ ଜଡ଼ିତ ନ କରିବାକୁ ଇସିଙ୍କ ପରାମର୍ଶ
Popular Categories



