ଶ୍ରୀନଗର..- ଜାମ୍ମୁ-କାଶ୍ମୀରରେ ୫.୬ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି । ରାତି ୧୦ଟା ୧୭ସମୟରେ ଭୂମି କମ୍ପର ଝଟକା ଅନୁଭୂତ ହୋଇଛି । ଶ୍ରୀନଗର ସହ ରାଜ୍ୟର ବିଭିନ୍ନ ଅଂଶରେ ଭୂମିକମ୍ପର ଝଟକା ଅନୁଭୂତ ହୋଇଛି ।
କିଛି ସମୟ ପାଇଁ ଜାମ୍ମୁ-କାଶ୍ମୀରର ଅନେକ ଅଞ୍ଚଳ ଥରି ଉଠିଥିଲା । ଲୋକମାନେ ଭୟରେ ଘରୁ ବାହାରି ଆସିଥିଲେ । ଭୂମି କମ୍ପର କେନ୍ଦ୍ର ଉତ୍ତର କାଶ୍ମୀରରେ ବୋଲି ଜଣା ପଡିଛି । ଶ୍ରୀନଗର ଠାରୁ ୧୧୮ କିଲୋମିଟର ଦୂର ଭୂମିର ୪୦ କିଲୋମିଟର ଭିତରେ ଏହାର କେନ୍ଦ୍ର ବୋଲି ଭାରତୀୟ ପାଣିପାଗ କେନ୍ଦ୍ର ସୂଚନା ଦେଇଛି । ଖବର ଲେଖା ହେବା ବେଳକୁ ଏଥିରେ କୌଣସି କ୍ଷୟକ୍ଷତି ସମ୍ପର୍କରେ ସୂଚନା ମିଳିନାହିଁ ।
