ଧର୍ମଗଡ଼ : ବାଞ୍ଜିପଦର ଗ୍ରାମରୁ ପ୍ରେମୀ ଯୁଗଳଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର ହୋଇଛି। ଗତକାଲି ରବିବାର ସନ୍ଧ୍ୟାରେ ସେମାନଙ୍କ ମୃତଦେହ ଗାଁ ବିଲରୁ ଉଦ୍ଧାର ହୋଇଛି। ଧର୍ମଗଡ଼ ବ୍ଳକ ଡୁମେରଗୁଡା ପଞ୍ଚାୟତ ବାଞ୍ଜିପଦର ଗ୍ରାମରେ ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି।
ସୂଚନାନୁଯାୟୀ ଧର୍ମଗଡ଼ ବ୍ଳକ ଡ଼ୁମେରଗୁଡା ପଞ୍ଚାୟତ ବାଞ୍ଜିପଦର ଗ୍ରାମର ଉଭୟେ ନାବାଳକ ଓ ନାବାଳିକା ବୋଲି ଜଣାପଡିଛି। ପରିବାର ଲୋକଙ୍କ ସମ୍ମତି ନଥିବାରୁ ଉଭୟେ ଗତ ୩୦/୬ରେ ଘର ଛାଡ଼ି ପଳାଇ ଥିଲେ। ପରିବାର ଲୋକେ ଖୋଜାଖୋଜି କରି ଏନେଇ ଥାନାରେ ଏତଲା ଦେଇଥିଲେ। ପୁଲିସ ଏନେଇ ଏକ ନିଖୋଜ ମାମଲା ଦାଏର କରିଥିବାବେଳେ ରବିବାର ଘଟଣାର ୯ ଦିନ ପରେ ଗାଁ ବିଲରୁ ଉଭୟଙ୍କ ଗଳିତ ଶବ ଉଦ୍ଧାର କରାଯାଇଛି। କିଛି ଛେଳି ଚରାଳି ସାବୁନିଭାଡ଼ି ଓ ବାଞ୍ଜିପଦର ଗ୍ରାମ ମଝିରେ ଥିବା ନାଳ ନିକଟରେ ଦୁଇଜଣଙ୍କ ଶବ ପଡିଥିବା ଦେଖି ଗାଁ ଲୋକଙ୍କୁ କହିଥିଲେ । ପରେ ଧର୍ମଗଡ ପୁଲିସକୁ ଜଣାଇବା ପରେ ପୁଲିସ ସୂଚନା ପାଇ ମୃତଦେହକୁ ଅର୍ଦ୍ଧଦଗ୍ଧ ଅବସ୍ଥାରେ ଜବତ କରିଛି । ଉଭୟ ପରିବାର ମୃତଦେହ ଚିହ୍ନଟ କରିଛନ୍ତି। ପୁଲିସ ଏମାନଙ୍କ ମୄତ୍ୟୁକୁ ବିଭିନ୍ନ ଦିଗରୁ ତଦନ୍ତ କରୁଛି । ଏହା ପ୍ରେମ ଜନିତ ଆତ୍ମହତ୍ୟା କି ହତ୍ୟା ସେ ନେଇ ତଦନ୍ତ ଆରମ୍ଭ କରିଛି ।
ବାଞ୍ଜିପଦର ଗ୍ରାମରୁ ପ୍ରେମୀ ଯୁଗଳଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର
Popular Categories
Previous article
Next article