ବାଲେଶ୍ଵର : ବାଲେଶ୍ବର ପୌରସଂସ୍ଥାକୁ ମହାନଗରରେ ପରିଣତ କରିବାକୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ପତ୍ର ଲେଖୁଛନ୍ତି କଂଗ୍ରେସର ଯୁବ ନେବା ନବଜ୍ୟୋତି ପଟ୍ଟନାୟକ । ଏଥିରେ ସେ ଉଲ୍ଲେଖ କରିଛନ୍ତି ଯେ, ରାଜ୍ୟ ବିଧାନସଭାର କାର୍ଯ୍ୟକ୍ରମରୁ ରାଜ୍ୟ ସହରାଞ୍ଚଳ ସ୍ୱାୟତ୍ତ ସଂସ୍ଥା ଗୁଡିକରେ ନିର୍ବାଚନ ଅନୁଷ୍ଠିତ କରାଇବାର ସୂଚନା ମିଳୁଛି । ଏହି ପରିସ୍ଥିତିରେ ଜଣେ ସଚେତନ ନାଗରିକ ଏବଂ ବାଲେଶ୍ବରର ଜନ ପ୍ରତିନିଧି ଭାବରେ ସେ କେତେକ ପ୍ରସଙ୍ଗ ସମ୍ପର୍କରେ ରାଜ୍ୟ ସରକାର ଏବଂ ରାଜ୍ୟ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବା ଆବଶ୍ୟକ ମନେକରୁଛନ୍ତି ।
ରାଜ୍ୟ ସରକାର ଇତିମଧ୍ୟରେ ରାଜ୍ୟର କେତେକ ପୌରସଂସ୍ଥାକୁ ଉନ୍ନୀତ କରି ମହାନଗର ନିଗମରେ ପରିଣତ କରିସାରିଛନ୍ତି । ସେହିଦୃଷ୍ଟିରୁ ରାଜ୍ୟର ବିଭିନ୍ନ ଅଞ୍ଚଳରେ ମହାନଗର ନିଗମମାନ ସୃଷ୍ଟି ହୋଇସାରିଛି । ଉଦାହରଣସ୍ୱରୂପ ଉପକୂଳବର୍ତ୍ତୀ ଓଡ଼ିଶାରେ କଟକ ଓ ଭୁବ ମହାନଗର ନିଗମ, ପଶ୍ଚିମ ଓଡ଼ିଶାରେ ସମ୍ବଲପୁର ଓ ରାଉରକେଲା ଏବଂ ଦକ୍ଷିଣ ଓଡ଼ିଶାରେ ବ୍ରହ୍ମପୁର ମହାନଗର ନିଗମ ଗଠିତ ହୋଇସାରିଛି। କିନ୍ତୁ ଏହି ଦୃଷ୍ଟିକୋଣରୁ ଉତ୍ତର ଓଡ଼ିଶା ପ୍ରତି ଅବହେଳା କରାଯାଇଛି।
ବାଲେଶ୍ଵର ରାଜ୍ୟର ଅନ୍ୟତମ ସର୍ବପୁରାତନ ପୌରସଂସ୍ଥା ହୋଇଥିବାରୁ ତାହାକୁ ମହାନଗର ନିଗମକୁ ଉନ୍ନୀତ କରିବାକୁ ନବଜ୍ୟୋତ ଏହି ପତ୍ରରେ ଅନୁରୋଧ କରିଛନ୍ତି।
