ସମାଜ ଡିଜିଟାଲ ଡେସ୍କ: ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଫିଲ୍ମ ଇଣ୍ଡଷ୍ଟ୍ରୀର ସବୁଠାରୁ ଜଣାଶୁଣା ଚେହେରା । ତାଙ୍କର ଦମଦାର ଅଭିନୟ ପାଇଁ ଦର୍ଶକଙ୍କଠାରୁ ଅନେକ ପ୍ରଶଂସା ସାଉଁଟିଛନ୍ତି । ତେବେ ଅଭିନୟ ବ୍ୟବତୀ ଦୀପିକା ଏବେ ଆଉ ଏକ ନୂଆ ରେକର୍ଡ କରିଛନ୍ତି । ସୋସିଆଲ ମିଡ଼ିଆ ପ୍ଲାଟଫର୍ମ ଇନଷ୍ଟ୍ରାଗ୍ରାମରେ ଦୀପିକାଙ୍କ ରିଲ୍ସ ଭିଡ଼ିଓ ସବୁଠାରୁ ଅଧିକ ଲୋକପ୍ରିୟ ହେବା ସହ ସବୁଠୁ ଅଧିକ ଦର୍ଶକ ଦେଖିଛନ୍ତି । ଦୈନିକ ନିଜର ବିଭିନ୍ନ ପ୍ରୋଜେକ୍ଟ ଏବଂ ବ୍ୟକ୍ତିଗତ ଜୀବନ ବିଷୟରେ ଇନଷ୍ଟାଗ୍ରାମରେ ପୋଷ୍ଟ କରି ଅପଡେଟ୍ ଦେଇଥାନ୍ତି । ଦୀପିକାଙ୍କର ଇନଷ୍ଟାଗ୍ରାମରେ ୮୦ମିଲିୟନ୍ ଫଲୋଅର୍ସ ରହିଛନ୍ତି ଏହା ସହିତ ତାଙ୍କର ଗୋଟିଏ ରିଲ୍ସ ୧.୯ବିଲିୟନ ଭ୍ୟୁ ଅତିକ୍ରମ କରିଛି, ଯାହାକି ବିଶ୍ୱରେ ସର୍ବାଧିକ ଦେଖାଯାଇଥିବା ରିଲ୍ସ ହୋଇଛି । ଆପଣଙ୍କୁ କହି ରଖୁଛୁ ଯେ ଏହି ରିଲରେ ଦୀପିକା ପାଦୁକୋନ୍ ଏକ ହୋଟେଲର ପ୍ରମୋସନ କରୁଥିବାରୁ ଦେଖାଯାଇଛି । ଏହି ପ୍ରମୋସନାଲ୍ ଭିଡ଼ିଓକୁ ଲୋକାମାନେ ଏତେ ଥର ଦେଖିଥିଲେ ଯେ ଦୀପିକା କିଛି ସମୟ ମଧ୍ୟରେ ଇତିହାସ ସୃଷ୍ଟି କରିଥିଲେ । ଦୀପିକାଙ୍କ ପ୍ରତିଟି ପୋଷ୍ଟକୁ ଦର୍ଶକ ବେଶ ଲାଇକ୍ କରିଥାନ୍ତି ।
Popular Categories
Previous article
Next article