ପିପିଲି : ପିପିଲି ନିକଟବର୍ତ୍ତୀ ଦୂର୍ଗାଦାଶପୁର୍ ବଜାର ଟ୍ରାନ୍ସଫରମରରେ ଚଢ଼ି ୧୧ କେଭି ଲାଇନ୍ ମରାମତି କରୁଥିବା ବେଳେ ଶନିବାର ମଧ୍ୟାହ୍ନରେ ବିଦ୍ୟୁତ୍ ଆଘାତରେ ଜଣେ ଅଣଓଡିଆ କର୍ମଚାରୀଙ୍କ ମୃତ୍ୟୁ ଘଟିଛି । ବିଦ୍ୟୁତ୍ ସଂସ୍ପର୍ଶରେ ଆସିବା ପରେ ମୃତଦେହ ବିଦ୍ୟୁତ୍ ଖୁଣ୍ଟିରେ ଝୁଲୁ ଥିବା ଦେଖିବାକୁ ମିଳିଛି । ପୁଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ମୃତଦେହକୁ ବିଦ୍ୟୁତ୍ ଖୁଣ୍ଟିରୁ କାଢ଼ି ବାକୁ ଉଦ୍ୟମ ଚଳାଇଛନ୍ତି l ମୃତକ ଜଣକ ଏକ ଠିକାଦାର ସଂସ୍ଥାର କର୍ମଚାରୀ ବୋଲି ସୂଚନା ମିଳିଛି ।
ମୃତକଙ୍କ ନାମ ସେକ୍ ରିଜା ଉଲ୍ ଓ ତାଙ୍କ ଘର ପଶ୍ଚିମବଙ୍ଗର ମାଲଦା ଟାଉନ ଅଞ୍ଚଳରେ ବୋଲି ଜଣାପଡିଛି l ସେ ପିଜିସିଆଇଏଲ୍ ଅଧୀନରେ କାର୍ଯ୍ୟ କରୁଥିବା ଏକ ଠିକାଦାର ସଂସ୍ଥାର କର୍ମଚାରୀ ଥିଲେ । ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଚଳାଇଛି l ଏହି ଘଟଣାକୁ ନେଇ ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଥିଲା l
