ନୂଆଦିଲ୍ଲୀ : ଜଙ୍ଗଲର ଜୀବଜନ୍ତୁଙ୍କ ଅନେକ ଭିଡିଓ ଦ୍ରୁତ ଗତିରେ ଭାଇରାଲ୍ ହୋଇଥାଏ । କିଛି ଆଶ୍ଚର୍ଯ୍ୟଚକିତ କରିବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରିଥାଏ । ନିକଟରେ ଭୟଭୀତ କରୁଥିବା ଏକ ଭିଡିଓ ସାମ୍ନାକୁ ଆସିଛି । ଭିଡିଓରେ ଦେଖାଯାଉଛି, ଜଣେ ବ୍ୟକ୍ତି କାଦୁଅ ଭର୍ତ୍ତି ହୋଇଥିବା ପଙ୍କ ନିକଟରେ ଠିଆ ହୋଇଛନ୍ତି । ମାତ୍ର ତାଙ୍କର ଆଦୌ ଧାରଣା ନଥିଲା ଯେ, ସେହି କାଦୁଅ ଭିତରେ ଏକ ବିଶାଳକାୟ କୁମ୍ଭୀର ଲୁଚି ରହିଛି । ବ୍ୟକ୍ତି ଜଣକ କାଦୁଅ ନିକଟକୁ ଯିବା ମାତ୍ରେ ଆଖି ପିଛୁଳାକେ କୁମ୍ଭୀର ଆକ୍ରମଣ କରିବାକୁ ପ୍ରସ୍ତୁତ ହେଉଛି ।
କୁମ୍ଭୀରଟି ଆଖି ପିଛୁଳାକେ ବ୍ୟକ୍ତିଙ୍କ ଉପରେ ଆକ୍ରମଣ କରୁଛି । ମାତ୍ର ବ୍ୟକ୍ତି ଜଣକ ସୌଭାଗ୍ୟବଶତଃ ସଠିକ୍ ସମୟରେ ସେଠାରୁ ଆସି ନିଜ ଜୀବନ ରକ୍ଷା କରିଛନ୍ତି । କିଛି କ୍ଷଣ ବିଳମ୍ବ ହୋଇଥିଲେ ବ୍ୟକ୍ତିଙ୍କ ଜୀବନ ଚାଲି ଯାଇ ଥାନ୍ତା । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
- Advertisement -
