ପାଟଣା : ସାହାରପଡା ବ୍ଲକ ଅନ୍ତର୍ଗତ ଉଦୟପୁର ପଞ୍ଚାୟତରେ ଗତ ୨୦୨୩/୨୪ ଆର୍ଥିକ ବର୍ଷରେ ପଞ୍ଚମ ରାଜ୍ୟ ଅର୍ଥ କମିଶନ ଯୋଜନାରେ ଗୋବିନ୍ଦପୁର ପୋଖରୀ ଉନ୍ନତିକରଣ ନିମନ୍ତେ ଦୁଇ ଲକ୍ଷ ଟଙ୍କା ବ୍ୟୟ ହୋଇ କାମ ହୋଇଥିଲା । ପୁନର୍ବାର ୨୦୨୩/୨୪ ଆର୍ଥିକ ବର୍ଷରେ ସେହି ପୋଖରୀ ପାଇଁ ପଞ୍ଚମ ଅର୍ଥ କମିଶନରେ ୨ ଲକ୍ଷ ୫୦ ହଜାର ଟଙ୍କା ମଞ୍ଜୁରୀ ହୋଇ କାମହେଲା । ସେହି ୨୦୨୪/୨୫ ଆର୍ଥିକ ବର୍ଷରେ ମନରେଗା ଯୋଜନାରେ ଚଞ୍ଚକତା କରି ସେହି ପୋଖରୀର ନାମ ବଦଳା ଯାଇ ଜେନା ବନ୍ଧ ସାହି ପୋଖରୀ ଉନ୍ନତିକରଣ ନାମରେ ୧୦ ଲକ୍ଷ ଟଙ୍କା ବ୍ୟୟ କରାଯାଉଛି । ୧୫/୧୧/୨୪ ରେ କାମ ଆରମ୍ଭ ହୋଇ ଚଳିତ ମାସ ୧୫ ତାରିଖ ରେ କାମ ଶେଷ ହେବା ଫଳକରେ ଦର୍ଶା ଯାଇଛି । ତେବେ ଆଶ୍ଚର୍ଯ୍ୟର କଥା ଏହି ଯେ ପଞ୍ଚମ ଅର୍ଥ କମିଶନ ଅର୍ଥରେ ବ୍ୟୟ ହୋଇଥବା ୨ଟି ପର୍ଯ୍ୟାୟର ଅର୍ଥ ଗୋବିନ୍ଦପୁର ପୋଖରୀ ପୁନରୁଦ୍ଧାର ନ ହୋଇ ଏହି ଜେନା ବନ୍ଧ ପୋଖରୀରେ ଖର୍ଚ୍ଚ କରାଯାଇଛି । ମନରେଗା ଯୋଜନାର ୧୦ ଲକ୍ଷ ଟଙ୍କା ଆତ୍ମ ସାତ ହୋଇଛି କିମ୍ବା କାମ ହୋଇନାହିଁ ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ଏହା ତଦନ୍ତ ସାପେକ୍ଷ ହୋଇଥିବା ବେଳେ କେଉଁ ସ୍ୱାର୍ଥରେ କାହା ପରାମର୍ଶରେ ଗୋଟିଏ ପୋଖରୀ ପାଇଁ ୩ ଟି ଯୋଜନାରେ ଅର୍ଥ ବ୍ୟୟ ହେଲା ଏହାର ଉଚ୍ଚ ସ୍ଥରୀୟ ତଦନ୍ତ ହେଲେ ପ୍ରକୃତ କଥା ଜଣାପଡିବ ବୋଲି ଦାବି ହେଉଛି । ତେବେ ଏନେଇ ସାହାରପଡ଼ା ଏପିଓ ସରସ୍ଵତୀ ସୋରେନଙ୍କୁ ଅଭିଯୋଗ ସମ୍ପର୍କରେ ପଚାରିବାରୁ ସେ ନୂଆ କରି ବ୍ଲକକୁ ଆସିଥିବାରୁ ତଦନ୍ତ ପରେ ଯାହା ଉତ୍ତର ରଖିବେ ବୋଲି କହିଛନ୍ତି।
Popular Categories
Previous article
Next article