ଭୁବନେଶ୍ବର : ଦେଶରେ କରୋନା ସଂକ୍ରମିତ ସଂଖ୍ୟା ବୃଦ୍ଧି ପାଉଥିବା ବେଳେ ମହାରାଷ୍ଟ୍ର ଅଧିକ ପ୍ରଭାବିତ ହୋଇଛି। ସେଠାରେ ଆକ୍ରାନ୍ତ ହୋଇଥିବା କରୋନା ରୋଗୀଙ୍କ ମଧ୍ୟରୁ ୭୦ ପ୍ରତିଶତ ୫୦ ବର୍ଷରୁ କମ ବୟସର ବ୍ୟକ୍ତି। ମାତ୍ର ମୃତ୍ୟୁ ବରଣ କରିଥିବା ବ୍ୟକ୍ତିଙ୍କ ମଧ୍ୟରୁ ଅଧିକାଂଶ ୫୦ରୁ ଉର୍ଦ୍ଧ୍ବ ବୟସର ବୋଲି ଜଣାପଡିଛି।
ମିଳିଥିବା ସୂଚନା ଅନୁଯାୟୀ, ମହାରାଷ୍ଟ୍ରରେ ଏ ପର୍ଯ୍ୟନ୍ତ ୨୮୦୧ ଜଣ କରୋନାରେ ଆକ୍ରାନ୍ତ ହୋଇଥିବା ବେଳେ ସେଥିରୁ ୨୩୩୦ ଜଣ ୫୦ ବର୍ଷରୁ କମ୍ ବୟସର ବ୍ୟକ୍ତି। ୨୧ ରୁ ୫୦ ବର୍ଷ ମଧ୍ୟରେ ୧୬୪୬ ବ୍ୟକ୍ତି ଆକ୍ରାନ୍ତ ହୋଇଥିବା ବେଳେ ୬୮୪ ଜଣ ୫୦ ବର୍ଷୀୟ ରହିଛନ୍ତି। ଅନ୍ୟ ପକ୍ଷରେ କରୋନାରେ ମୃତ୍ୟୁବରଣ କରୁଥିବା ବ୍ୟକ୍ତିଙ୍କ ମଧ୍ୟରୁ ଅଧିକାଂଶ ୫୦ରୁ ଉଦ୍ଧ୍ଵର୍ର୍ ବର୍ଷର ରହିଛନ୍ତି। ସ୍ବାସ୍ଥ୍ୟ ବିଭାଗ ସୂତ୍ରରୁ ମିଳିଥିବା ସୂଚନା ଅନୁଯାୟୀ ସମୀକ୍ଷା କରାଯାଇଥିବା ୧୭୧ଟି ମୃତ୍ୟୁରୁ କରୋନା ସଂକ୍ରମିତ ୧୩୨ରୁ ୧୦୪ ଜଣଙ୍କ ବୟସ ୫୧ରୁ ୭୦ ବର୍ଷ ମଧ୍ୟରେ ବୋଲି ଜଣାପଡିଛି। ୫୦ ବର୍ଷରୁ କମ୍ ବୟସର ଆକ୍ରାନ୍ତ ହୋଇଥିବା ୧୬୪୬ ଜଣଙ୍କ ମଧ୍ୟରୁ ଅଧିକାଂଶ ଶମ୍ରିକ ଶ୍ରେଣୀର ବୋଲି ରାଜ୍ୟର ଜଣେ ବରିଷ୍ଠ ଅଧିକାରୀଙ୍କ ସୂତ୍ରରୁ ଜଣାପଡିଛି।
