ନୂଆଦିଲ୍ଲୀ: ଆସନ୍ତା ଡିସେମ୍ବର ସୁଦ୍ଧା ଦେଶର ସମସ୍ତ ନାଗରିକଙ୍କୁ କରୋନା ଟିକାକରଣ କରାଯିବ ବୋଲି କେନ୍ଦ୍ରମନ୍ତ୍ରୀ ପ୍ରକାଶ ଜାବଡେକର ଶୁକ୍ରବାର କହିଛନ୍ତି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ସୂଚନାକୁ ଆଧାର କରି ଜାବଡେକର କହିଛନ୍ତି ଯେ ୨୦୨୧ ଡିସେମ୍ବର ସୁଦ୍ଧା ଦେଶ ୨୧୬ କୋଟି ପାନ (ଡୋଜ୍) ଟିକା ଉତ୍ପାଦନ କରିବ। ଅର୍ଥାତ୍ ଏହି ଟିକାକୁ ଦେଶର ୧୦୮ କୋଟି ନାଗରିକଙ୍କୁ ଦିଆଯିବ। ତେଣୁ ଡିସେମ୍ବର ସୁଦ୍ଧା ଦେଶର ସମସ୍ତ ନାଗରିକଙ୍କୁ ଟିକା ମିଳିଯିବ।
.@RahulGandhi जी अगर आपको वैक्सीन का महत्त्व आज समझ आ रहा है तो जब कोवैक्सीन आयी थी तब उसपर आपने प्रश्नचिन्ह क्यों लगाया था। लोगों के मन में भ्रम ना उत्पन्न करें। प्रधानमंत्री जी ने खुद कोवैक्सीन ली तब भी आपकी नौटंकी बंद नहीं हुई। pic.twitter.com/JS7t6xjIMN
— Prakash Javadekar (@PrakashJavdekar) May 28, 2021
କଂଗ୍ରେସ ନେତା ରାହୁଲ ଗାନ୍ଧୀଙ୍କ ସମାଲୋଚନା ଉପରେ ପ୍ରତିକ୍ରିୟା ରଖି ଜାବଡେକର ଏପରି କହିଛନ୍ତି। ସରକାରଙ୍କୁ ରାହୁଲଙ୍କ ସମାଲୋଚନାକୁ ଜାବଡେକର ନାପସନ୍ଦ କରିଛନ୍ତି। ସେ କହିଛନ୍ତି ଯେ ବର୍ତ୍ତମାନ ପରସ୍ଥିତିରେ ସରକାରଙ୍କୁ ଅପମାନିତ କରିବାର ଉଦ୍ୟମ ଦୁଃଖଦାୟକ।
