ନୂଆଦିଲ୍ଲୀ: ନିଜାମୁଦ୍ଦିନ ଯାଇଥିବା ଜଣେ ପୂର୍ବତନ କାଉନସିଲର ଓ ତାଙ୍କ ପରବାରର ସମସ୍ତ ସଦସ୍ୟ କରୋନା ଆକ୍ରାନ୍ତ ହୋଇଥିବା ସୂଚନା ମିଳିଛି । ସମ୍ପୃକ୍ତ କାଉନସିଲର ନିଜାମୁଦ୍ଦିନ ଯାଇଥିବା ତଥ୍ୟ ଗୋପନ ରଖିଥିବାରୁ ତାଙ୍କ ବିରୋଧରେ ପୁଲିସ ଏକ ମାମଲା ରୁଜୁ କରିଛି । ଆକ୍ରାନ୍ତ ପରିବାରକୁ ପ୍ରଶାସନ ଚିକିତ୍ସା ପାଇଁ ଆମ୍ବେଦକର ଡ଼ାକ୍ତରଖାନାରେ ଭର୍ତି କରିଛି ଏବଂ ତାଙ୍କ ଗାଁ ଦୀନାପୁରକୁ ସମ୍ପୂର୍ଣ୍ଣ ସିଲ କରି ଦିଆଯାଇଛି । ଗାଁରୁ କେହି ବାହାରକୁ ଯାଇ ପାରିବେ ନାହିଁ କିମ୍ବା ବାହାର ଲୋକ ଗାଁକୁ ଆସି ପାରିବେ ନାହିଁ ବୋଲି କଟକଣା ଜାରି କରାଯାଇଛି । ଗତ ମାସରେ ନିଜାମୁଦ୍ଦିନକୁ ଯାଇଥିବା ଲୋକମାନଙ୍କୁ ସ୍ବେଚ୍ଛାରେ କରୋନା ଟେଷ୍ଟ ପାଇଁ ଆଗେଇ ଆସିବାକୁ କୁହାଯାଇଥିଲା। ମାତ୍ର ଏହି ପୂର୍ବତନ କାଉନସିଲର ମରକଜ ଯାଇଥିବା ଗୋପନ ରଖିଥିଲେ । ଶେଷରେ ସେ ଥଣ୍ଡା ଓ ଜ୍ୱରରେ ପଡ଼ିବାରୁ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା ଓ ସେ କରୋନାରେ ଆକ୍ରାନ୍ତ ଥିବା ଜଣା ପଡ଼ିଥିଲା ।
Popular Categories
Previous article
Next article