ନୂଆଦିଲ୍ଲୀ: କରୋନାକୁ ମାତ୍ ଦେବ ଆଉ ଦୁଇଟି ଟିକା । ୨ଟି କରୋନା ଟିକାର ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ଦେଇଛନ୍ତି କେନ୍ଦ୍ର ସରକାର । କୋଭୋଭାକ୍ସ ଏବଂ କୋର୍ବେଭାକ୍ସ୍ ଟିକାର ବ୍ୟବହାର ଲାଗି ଅନୁମତି ଦିଆଯାଇଛି । ଏନେଇ କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂଗଠନ (ସିଡିଏସ୍ସିଓ) ଏହାକୁ ମଞ୍ଜୁରୀ ଦେଇଥିବା ବେଳେ, କୋଭୋଭ୍ୟାକ୍ସକୁ ସେରମ୍ ଇନଷ୍ଟିଚ୍ୟୁଟ୍ ଓ କୋର୍ବେଭାକ୍ସକୁ ବାୟୋଲୋଜିକାଲ-ଇ ପକ୍ଷରୁ ପ୍ରସ୍ତୁତ କରାଯାଇଛି ।
ଏନେଇ କେନ୍ଦ୍ରୀୟ ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ ଟୁଇଟ୍ କରି ସୂଚନା ପ୍ରଦାନ କରିଛନ୍ତି। ତେବେ ଭାରତରେ ବର୍ତ୍ତମାନ ୫ଟି ଟିକାକୁ ଅନୁମତି ଦିଆଯାଇଛି । ପୂର୍ବରୁ କୋଭାକ୍ସିନ୍, କୋଭିସିଲ୍ଡ ଓ ସ୍ପୁଟନିକ୍-ଭିକୁ ଅନୁମତି ମିଳିଥିଲା ।
