ପାମ୍ପଡ ଓ ଚିପ୍ସ ଖାଇବାକୁ କାହାକୁ ବା ଭଲ ନଲାଗେ । ପ୍ରାୟତଃ ଲୋକେ ଭୋଜନ ତାଲିକାରେ ପାମ୍ପଡକୁ ସାମିଲ କରିଥାନ୍ତି । ସେହିପରି ସନ୍ଧ୍ୟାରେ ସ୍ନାକ୍ସ ଭାବେ ଚିପ୍ସ ଖାଇବାକୁ ପିଲାଠୁ ବୁଢା ସମସ୍ତେ ପସନ୍ଦ କରିଥାନ୍ତି । ଏହାକୁ ଦୃଷ୍ଟିରେ ରଖି ଆଜିକାଲି ବଜାରରେ ବିଭିନ୍ନ ପ୍ରକାରର ପାମ୍ପଡ ଓ ଚିପ୍ସ ମିଳୁଛି। ସାଧାରଣତଃ ଲୋକେ ଛଣା ବା ରୋଷ୍ଟେଡ୍ ପାମ୍ପଡ ଖାଇବାକୁ ପସନ୍ଦ କରନ୍ତି । କିନ୍ତୁ ଆପଣ ଜାଣନ୍ତି କି ପାଟିକୁ ସୁଆଦ ଲାଗୁଥିବା ଏହି ପାମ୍ପଡ ଓ ଚିପ୍ସ ଶରୀର ପାଇଁ କେତେ କ୍ଷତିକାରକ ?
ପାମ୍ପଡ ଓ ଚିପ୍ସ ତିଆରି କରୁଥିବା କମ୍ପାନୀ ଗୁଡିକ ଅପରିଷ୍କାର ହୋଇଥାଏ । କର୍ମଚାରୀମାନେ ଅପରିଷ୍କାର ହାତରେ ପାମ୍ପଡ ଓ ଚିପ୍ସ ତିଆରି କରି ଥାଆନ୍ତି । ପରେ ଏହାକୁ ଶୁଖିବା ପାଇଁ ଧୂଳି ଓ ମାଟି ସ୍ଥାନରେ ଖରାରେ ରଖନ୍ତି । ଯାହା ଶରୀରରେ ବିଭିନ୍ନ ରୋଗ ସୃଷ୍ଟି ହେବାର କାରଣ ହୋଇଥାଏ । ଏହା ସହ ଛଣା ପାମ୍ପଡରେ ତେଲ ଓ ଫ୍ୟାଟ୍ ଅଧିକ ପରିମାଣରେ ରହିଥାଏ।
ପାମ୍ପଡରେ ସୋଡିୟମର ବ୍ୟବହାର ଦ୍ବାରା ଲୁଣର ମାତ୍ରା ମଧ୍ୟ ବଢିଯାଇଥାଏ। ଅଧିକ ଲୁଣର ବ୍ୟବହାର ଶରୀର ପାଇଁ ହାନିକାରକ ହୋଇଥାଏ। ଏହା ଦ୍ବାରା ଅଧିକ ଚିନ୍ତାଗ୍ରସ୍ତ, ହୃହୟ ସମ୍ବନ୍ଧୀୟ ରୋଗ ଓ ପାଣିର ଅଭାବ ପରି ସମସ୍ୟା ଶରୀରରେ ସୃଷ୍ଟି ହୋଇଥାଏ।
ବଜାରରେ ମିଳୁଥିବା ପାମ୍ପଡ ଅଲଗା ଅଲଗା ପ୍ରକାରର ମସଲାରୁ ପ୍ରସ୍ତୁତ କରାଯାଇଥାଏ। ଏହା ଆମର ପାଚନ ତନ୍ତ୍ର ଉପର କୁପ୍ରଭାବ ପକାଇଥାଏ। ଏହାଦ୍ବାରା ଏସିଡିଟି ପରି ସମସ୍ୟା ଦେଖା ଦେଇଥାଏ।
