ସମାଜ ନ୍ୟୁଜ ଡେସ୍କ: ବାଙ୍ଗିରିପୋଷି ସ୍ଥିତ ଦ୍ଵାର ଶୁଣି ଘାଟିରେ କାର ଉପରେ ଓଲଟି ପଡ଼ିଲା ବସ୍ । ଶ୍ରୀ ଗଣେଶ ନାମକ ବସ୍ ତିରିଙ୍ଗିରୁ ବାରିପଦା ଆସୁଥିବା ବେଳେ ଏଭଳି ଦୁର୍ଘଟଣା ଘଟିଛି । ଏଥିରେ ୨୫ ରୁ ଉର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି । ୪ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ସମସ୍ତଙ୍କୁ ବାଙ୍ଗିରିପୋଷି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ବିଶୋଇ,ଦ୍ୱାରଶୁଣି ଘାଟି ରାସ୍ତା ମରଣଯନ୍ତା ପାଳଟିଥିବା ବେଳେ ଘାଟି ଜାମ ରହିବା ପଥଚାରୀଙ୍କ ପାଇଁ ଯମଦଣ୍ଡ ଏବେ ସାଜିଛି । ପ୍ରତ୍ୟେକ ଦିନ ଘାଟି ଜାମ ରହୁଥିବା ବେଳେ ଛୋଟ ବଡ଼ ଦୁର୍ଘଟଣା ମଧ୍ୟ ଘଟୁଛି । ଶନିବାର ଦିନ ୧୧ ସମୟରେ ତିରିଂ ରୁ ବାରିପଦା ଯାଉଥିବା ଶ୍ରୀ ଗଣେଶ ନାମକ ଏକ ଯାତ୍ରୀ ବାହୀ ବସ କାର ଉପରେ ଓଲଟି ପଡିଥିଲା ।
