ଭୁବନେଶ୍ବର: ଓଡ଼ିଶା ପ୍ରାଇଭେଟ୍ ଇଞ୍ଜିନିୟରିଂ କଲେଜ ଆସୋସିଏସନ୍(ଓପେକା) ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି। ଏଥିରେ ଉଲ୍ଲେଖ ରହିଛି ଯେ ୨୦୨୦-୨୧ ଶିକ୍ଷାବର୍ଷର ଏକାଡେମିକ୍ ପ୍ଲାନିଂ ଓ ନାମଲେଖା ସମ୍ପର୍କିତ ସ୍ବତନ୍ତ୍ର ନୀତି ପ୍ରସ୍ତୁତ, ଇଣ୍ଡଷ୍ଟ୍ରି, ଆଇଟି ଓ ଅନ୍ୟାନ୍ୟ କମ୍ପାନୀ କ୍ୟାମ୍ପସ ଜରିଆରେ ନିଯୁକ୍ତି ଦେଇଥିବା ଛାତ୍ରଛାତ୍ରୀଙ୍କୁ ଗ୍ରହଣ, ଇଞ୍ଜିନିୟରିଂ କଲେଜଗୁଡ଼ିକୁ ସ୍ଥାନୀୟ କମ୍ପାନୀଗୁଡ଼ିକ ପୋଷ୍ୟ ଭାବେ ଗ୍ରହଣ, କର୍ମଚାରୀଙ୍କ ଦରମା, ବିଦ୍ୟୁତ ଦେୟ, ଇପିଏଫ୍, ଇଏସ୍ଆଇ ଦେବା ବ୍ୟବସ୍ଥା ପାଇଁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ଆର୍ଥିକ ସହାୟତା ମିଳୁ।
କଲେଜଗୁଡ଼ିକର ଆଫିଲିଏସନ୍ ଫି ଏବଂ ଛାତ୍ରଛାତ୍ରୀଙ୍କ ପରୀକ୍ଷା ଓ ପଞ୍ଜୀକରଣ ଫି ବିପିୟୁଟି ପକ୍ଷରୁ ଛାଡ଼ କରୁ। ଅନ୍ଲାଇନ୍ ଶିକ୍ଷାଦାନ ପାଇଁ ଆର୍ଥିକ ସାହାଯ୍ୟ କରୁ। ଯେଉଁମାନେ ବ୍ୟାଙ୍କରୁ ଋଣ ନେଇଛନ୍ତି ସେଥିରେ କୋହଳ କରାଯାଉ। ପୂର୍ବରୁ ଯେଭଳି ଏଡୁସାଟ୍ ବ୍ୟବସ୍ଥାରେ ପଢା ଯାଉଥିଲା ତାହା ପୁନଃପ୍ରଚଳନ ହେଉ। ସବୁ କଲେଜରେ କିଭଳି ରେଡିଓ ଏମ୍ଏଫ୍ ଖୋଲାଯାଇପାରିବ ସେଥିପାଇଁ ପଦକ୍ଷେପ ନିଆଯାଉ। କରୋନା ଭୂତାଣୁ କଟକଣା ଉଠିଯିବା ପେର ଶେଷବର୍ଷ ଛାତ୍ରଛାତ୍ରୀଙ୍କ ପରୀକ୍ଷା କରାଯିବା ନେଇ ବ୍ୟବସ୍ଥା ପାଇଁ ଓପେକା ସାଧାରଣ ସମ୍ପାଦକ ବିନୋଦ ଦାଶ ନିବେଦନ କରିଛନ୍ତି।
