ମୋବାଇଲ ଫୋନ ଚୋରି ସନ୍ଦେହରେ ଯୁବକକୁ ପିଟି ପିଟି ହତ୍ୟା

ହରିଦ୍ୱାର : ହରିଦ୍ୱାରର ଗାଡୋୱାଲି ଗ୍ରାମରେ ମୋବାଇଲ ଚୋରି ସନ୍ଦେହରେ ଜଣେ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି। ଏହାର ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ପୁଲିସ ୫ ଜଣଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଘଟଣା ଜୁଲାଇ ୨୧ର ବୋଲି କୁହାଯାଉଛି।
ସୂଚନା ଅନୁସାରେ ଘରମାନଙ୍କରେ ରଙ୍ଗ ମରା କାର୍ଯ୍ୟ କରୁଥିବା ୨୦ ବର୍ଷର ଯୁବକ ମୌସିନଙ୍କୁ ଏକ ମୋବାଇଲ ଚୋରି ସନ୍ଦେହରେ କେତେକ ଯୁବକ ବାଡ଼ି ଓ ହାତରେ ନିର୍ଧୁମ ପିଟିଥିଲେ। ୧ ମିନିଟ ଭିଡିଓରେ ମୌସିନକୁ ଅନ୍ୟଯୁବକମାନେ ମୋବାଇଲ ଚୋରି କଥା ପଚାରି ପିଟୁଥିବାର ଦେଖିବାକୁ ମିଳୁଛି। ତେବେ ସୋମବାର ଚିକିତ୍ସାଧୀନ ଅବସ୍ଥାରେ ମୌସିନର ମୃତ୍ୟୁ ଘଟିଛି। ମୃତ ଯୁବକର ଦାଦାର ଅଭିଯୋଗ କ୍ରମେ ପୁଲିସ୍‍ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ମଙ୍ଗଳବାର ଶବ ବ୍ୟବଚ୍ଛେଦ କରାଯାଇଛି।