ବୌଦ୍ଧ : ବୌଦ୍ଧ ଜିଲା ହରଭଙ୍ଗା ବ୍ଳକର ଖୋର୍ଦ୍ଧା-ବଲାଙ୍ଗିର ଜାତୀୟ ରାଜପଥର ନୂଆପଡା ଠାରେ ବୁଧବାର ସନ୍ଧ୍ୟାରେ ଏକ ଟ୍ରକ ହମ୍ପସରେ ଭାରସାମ୍ୟ ହରାଇ ଏକ ଜଳଖିଆ ଦୋକାନ ଭିତରକୁ ପଶିଯିବାରୁ ଟ୍ରକ ଚାଳକ ସମେତେ ଦୁଇ ଜଣ ଗୁରୁତର ହୋଇଥିବା ଜଣାପଡିଛି । ମିଳିଥିବା ସୁଚନା ମୁତାବକ ବୌଦ୍ଧ ପଟୁ ଚାରିଛକ ଆଡକୁ ଏକ ଟ୍ରକ ଯାଉଥିବା ବେଳେ ନୂଆପଡା ଠାରେ ଥିବା ଏକ ବଡ ହମ୍ପସ ଥିବାରୁ ଟ୍ରକଟି ଭାରସାମ୍ୟ ହରାଇ ହମ୍ପସ ନିକଟରେ ଥିବା ଏକ ଜଳଖିଆ ଦୋକାନ ଭିତରକୁ ପଶିଯିବା ସହ ଓଲଟିପଡିଥିଲା ।
ସେହି ସମୟରେ ଜଳଖିଆ ଦୋକାନରେ ଥିବା ଶାନ୍ତାନୁ ଉର୍ମା ଓ ଶାନ୍ତି ଉର୍ମା ଜଳଖିଆ ଖାଉଥିବା ବେଳେ ଟ୍ରକଟି ଧକ୍କା ହୋଇଥିଲା । ଫଳରେ ଶାନ୍ତାନୁ ଉର୍ମାର ଗୋଡ ଭାଙ୍ଗି ଯାଇଥିବା ବେଳେ ଶାନ୍ତି ଉର୍ମା ଗୁରୁତର ଆହତ ହୋଇଥିଲେ । ଟ୍ରକର ଚାଳକ ମଧ୍ୟ ଗୁରୁତର ହୋଇଥିବା ଜଣାପଡିଛି । ଦୁର୍ଘଟଣା ପରେ ଗୁରୁତର ଆହତ ମାନଙ୍କୁ ଆମ୍ବୁଲାନସ ଯୋଗେ ବୌଦ୍ଧ ମେଡିକାଲକୁ ପଠାଯାଇଛି । ଦୁର୍ଘଟଣା ଯୋଗୁଁ କିଛି ସମୟ ଧରି ଜାତୀୟ ରାଜପଥ ବନ୍ଦ ହୋଇପଡିଥିଲା । ଖବର ପାଇ ବୌଦ୍ଧ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଭାରସାମ୍ୟ ହରାଇ ଜଳଖିଆ ଦୋକାନକୁ ଧକ୍କା ଦେଲା ଟ୍ରକ
Popular Categories
Previous article
Next article