ବମ୍ବେ: ନାତି, ନାତୁଣୀଙ୍କ ଉପରେ ଜେଜେ ବାପା ଓ ଜେଜେ ମା’ଙ୍କର କୌଣସି ଆଇନଗତ ଅଧିକାର ନାହିଁ। ନାତି, ନାତୁଣୀଙ୍କ ଉପରେ ଜେଜେ ବାପା ଓ ଜେଜେ ମା’ ଯେଉଁ ଅଧିକାର ଦାବି କରିଥାନ୍ତି ତାହା କେବଳ ସେମାନଙ୍କର ଭାବପ୍ରବଣତା ବୋଲି ବମ୍ବେ ହାଇକୋର୍ଟ କହିଛନ୍ତି। ନିଜର ୫ବର୍ଷର ଶିଶୁକୁ ହେପାଜତକୁ ନେବା ଲାଗି ଦାବି କରି ପିତା କରିଥିବା ଆବେଦନର ଶୁଣାଣି ସମୟରେ ହାଇକୋର୍ଟ ଏପରି କହିଛନ୍ତି। ଶିଶୁଟିକୁ ତା’ର ଜେଜେ ମା’ ନିଜ ପାଖରେ ରଖିଥିବାବେଳେ ଫେରାଇବାକୁ ମନା କରିଥିଲେ। ଫଳରେ ଶିଶୁର ପିତା ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ। ସମ୍ପତ୍ତି ବାଡିକୁ ନେଇ ବିବାଦ ଦେଖାଯିବା କାରଣରୁ ଜେଜେ ମା’ ନାତିକୁ ଛାଡିବାକୁ ମନା କରିଥିଲା। ଏହା ସହିତ ଜେଜେ ମା’ ନାତିକୁ ଜନ୍ମ
ଠାରୁ ଲାଳନପାଳନ କରିଥିବାରୁ ତା’ ସହିତ ଏକ ଭାବପ୍ରବଣତା ଲାଗି ରହିଥିଲା। ବିଚାରପତି ରବୀନ୍ଦ୍ର ଘୁଗେ ଓ ବିଚାରପତି ଗୌତମ ଅଖଣ୍ଡଙ୍କୁ ନେଇ ଗଠିତ ହାଇକୋର୍ଟଙ୍କ ପୀଠ କହିଥିଲେ ଯେ ଲାଳନପାଳନ ଓ ଭାବପ୍ରବଣତା ଭଳି କାରଣ ପାଇଁ ନାତି ଉପରେ ଜେଜେ ମା’ କୌଣସି ପ୍ରକାର ଆଇନଗତ ଅଧିକାର ସାବ୍ୟସ୍ତ କରିପାରିପାରିବେ ନାହିଁ। ତେଣୁ ନାତିକୁ ତା’ ଜନ୍ମିତ ପିତାମାତାଙ୍କୁ ଫେରାଇବା ବାଧ୍ୟ।
‘ନାତି, ନାତୁଣୀଙ୍କ ଉପରେ ଜେଜେ ମା’ର ଆଇନଗତ ଅଧିକାର ନାହିଁ’
Popular Categories
Previous article
Next article