ନୂଆଦିଲ୍ଲୀ : ହରିୟାଣା ବିଧାନସଭା ନିର୍ବାଚନ ପାଇଁ ବି.ଜେ.ପି. ସୋମବାର ୭୮ ଜଣ ପ୍ରାର୍ଥୀଙ୍କ ନାମ ତାଲିକା ଘୋଷଣା କରିଛି। ମୁଖ୍ୟମନ୍ତ୍ରୀ ମନୋହର୍ ଲାଲ୍ ଖଟ୍ଟର କର୍ଣ୍ଣଲ୍ ଆସନରୁ ପୁନର୍ବାର ପ୍ରତିଦ୍ୱନ୍ଦ୍ୱିତା କରିବେ। କୁସ୍ତିଯୋଦ୍ଧା ଯୋଗେଶ୍ୱର ଦତ୍ତ ବରୋଦା ନିର୍ବାଚନ ମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରୁଥିଲାବେଳେ ଭାରତୀୟ ହକି ଦଳର ପୂର୍ବତନ ଅଧିନାୟକ ସନ୍ଦିପ୍ ସିଂହଙ୍କୁ ପେହୋୱା ଆସନରୁ ପ୍ରାର୍ଥୀ କରାଯାଇଛି। କୁସ୍ତି ପ୍ରତିଯୋଗୀ ବବିତା ଫୋଗଟଙ୍କୁ ଦାଦ୍ରି ଆସନରୁ ପ୍ରାର୍ଥୀ କରାଯାଇଥିଲାବେଳେ ରାଜ୍ୟ ବି.ଜେ.ପି. ମୁଖ୍ୟ ସୁବାସ ବରାଳଙ୍କୁ ତୋହନା ଆସନରୁ ପ୍ରାର୍ଥୀ କରାଯାଇଛି। ରାଜ୍ୟପାହ୍ୟା ମନ୍ତ୍ରୀ କ୍ୟାପ୍ଟେନ୍ ଅଭିମନ୍ୟୁଙ୍କୁ ନାରନୌନ୍ଦ୍ ଆସନରୁ ପୁନର୍ବାର ଟିକେଟ୍ ଦିଆଯାଇଛି।
ଏଥର ତାଲିକାରେ ୩୮ ଜଣ ବିଧାୟକଙ୍କୁ ପୁନର୍ବାର ଟିକେଟ୍ ଦିଆଯାଇଥିଲାବେଳେ ୭ ଜଣ ବିଧାୟକଙ୍କୁ ଦିଆଯାଇ ନାହିଁ। ତାଲିକାରେ ୯ ଜଣ ମହିଳା ପ୍ରାର୍ଥୀଙ୍କ ନାମ ମଧ୍ୟ ରହିଛି।
