ଭୁବନେଶ୍ବର: ଚିଲିକା ବିଧାୟକ ପ୍ରଶାନ୍ତ ଜଗଦେବ ଗାଡ଼ି ମଡ଼ାଇଦେବା ଘଟଣା । ଘଟଣାକୁ ନେଇ ପ୍ରତିକ୍ରିୟା ରଖିଲେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର । ସାମ୍ବାଦିକ ସମ୍ମିଳନୀ କରି ସମ୍ବିତ ପାତ୍ର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଏହି ଘଟଣା ଗଣତନ୍ତ୍ରର ହତ୍ୟା ପାଇଁ ଷଡ଼ଯନ୍ତ୍ର ହୋଇଛି । ମଦ୍ୟପାନ କରି ଗାଡ଼ି ଚଳାଉଥିଲେ ବିଧାୟକ ପ୍ରଶାନ୍ତ ଜଗଦେବ । ଗତକାଲି ବିଧାୟକଙ୍କ ଏପରି କାର୍ଯ୍ୟକଳାପ କେବଳ ଅହଂକାର । ବିଧାୟକ ଜଗଦେବ ଜଣେ ଅଭ୍ୟାସରତ ଅପରାଧୀ ବୋଲି ସମ୍ବିତ ତାଙ୍କର ପ୍ରତିକ୍ରିୟାରେ କହିଛନ୍ତି ।
ତାହା ସହ ସମ୍ବିତ ଆହୁରି କହିଛନ୍ତି ପୂର୍ବରୁ ବିଧାୟକଙ୍କ ନାଁରେ ଅନେକ ଅଭିଯୋଗ ରହିଛି । ଦଳିତ ଯୁବକଙ୍କୁ ମାଡ଼ ମାରିଥିଲେ ବିଧାୟକ ଜଗଦେବ । ବୌଦ୍ଧରେ ବିଜେପି କର୍ମୀ ମାନଙ୍କୁ ମଧ୍ୟ ସେ ଆକ୍ରମଣ କରିଥିଲେ । ସମ୍ବିତ ଘଟଣାରେ ବିଜେଡି ଉପରକୁ ପ୍ରଶ୍ନ ଉଠାଇଛନ୍ତି । ସେ ତାଙ୍କ ପ୍ରଶ୍ନରେ କହିଛନ୍ତି ଦଳ କାହିଁକି ଜଗଦେବଙ୍କୁ ବହିଷ୍କାର କରୁନାହିଁ ।
