ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ସଦର ମହକୁମା ସ୍ଥିତ ଜଗନ୍ନାଥ ମନ୍ଦିରରୁ ଗତ ରାତିରେ ୨ଟି ଦାନ ବାକ୍ସ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି । ଦୁର୍ବୃତ୍ତମାନେ ମନ୍ଦିରର ମୁଖ୍ୟ ଦ୍ଵାରର ତାଲା ଭାଙ୍ଗି ଦାନ ବାକ୍ସ ଚୋରି କରିଥିବା ଜଣାପଡ଼ିଛି । ଏଥିସହ ମନ୍ଦିର ନିକଟରେ ଥିବା ‘ଭଗ ବନ୍ଧ’ ନାମକ ସ୍ଥାନରେ ଦାନ ବାକ୍ସ (ହୁଣ୍ଡି) ଦୁଇଟିକୁ ଭାଙ୍ଗି ସେଥିରେ ଥିବା ଟଙ୍କାତକ ନେଇ ଦୁର୍ବୃତ୍ତମାନେ ଫେରାର ହୋଇଯାଇଥିବା ଜଣାପଡ଼ିଛି । ମନ୍ଦିର କମିଟି ତରଫରୁ ମଙ୍ଗଳବାର ଥାନାରେ ଏ ନେଇ ଥାନାରେ ଏତଲା ଦିଆଯିବା ପରେ ବୀରମହାରାଜପୁର ପୁଲିସ ସନ୍ଧ।ନୀ କୁକୁର ସହାୟତାରେ ଘଟଣାର ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ଅନୁସାରେ ସୋମବାର ରାତିରେ ମନ୍ଦିର ପୂଜକ ଘରକୁ ଯାଇଥିଲେ । ଆଜି ଭୋର ସମୟରେ ମନ୍ଦିର ଦ୍ବାର ଖୋଲିବା ପାଇଁ ପୂଜକ ବିଶ୍ଵାମିତ୍ର ଚାନ୍ଦ ଆସି ଦେଖିଲା ବେଳକୁ ସିଂହଦ୍ୱାରର ତାଲା ଖୋଲା ଯାଇଥିବା ଓ ଦୁଇଟି ଦାନ ବାକ୍ସ ନ ଥିବା ଦେଖିବାକୁ ପାଇଥିଲେ । ସେ ମନ୍ଦିର ପରିଚାଳନା କମିଟି କର୍ମକର୍ତ୍ତାମାନଙ୍କୁ ଏ ସମ୍ପର୍କରେ ସୂଚନା ଦେଇଥିଲେ । ମନ୍ଦିର ପରିଚାଳନା କମିଟିର ସଭାପତି ବିଷ୍ଣୁ ଚରଣ ପଣ୍ଡା ଓ ସମ୍ପାଦକ ଶମ୍ଭୁ ପ୍ରସାଦ ହୋତା ଏ ନେଇ ବୀରମହାରାଜପୁର ଥାନାରେ ଲିଖିତ ଅଭିଯୋଗ କରିଥିବା ଜଣାପଡ଼ିଛି ।
ଜଗନ୍ନାଥ ମନ୍ଦିରର ୨ ଦାନ ବାକ୍ସ ଚୋରି
Popular Categories
Previous article
Next article