ନୂଆଦିଲ୍ଳୀ: ଦୁଇଟି ରାଜ୍ୟରେ ଅନୁଷ୍ଠିତ ଉପନିର୍ବାଚନରେ କଂଗ୍ରେସ ଓ ବିଜେପିକୁ ମିଶ୍ରିତ ଫଳାଫଳ ମିଳିଛି। ରାଜସ୍ଥାନର ରାମଗଡ଼ ବିଧାନସଭା ଆସନରେ କଂଗ୍ରେସ ପ୍ରାର୍ଥୀ ବିଜୟ ଲାଭ କରିଥିବା ବେଳେ ହରିଆଣାର ଜିନ୍ଦରେ ବିଜେପି ପ୍ରାର୍ଥୀ ଜୟଯୁକ୍ତ ହୋଇଛନ୍ତି।
ରାଜସ୍ଥାନର ରାମଗଡ଼ରେ କଂଗ୍ରେସ ପ୍ରାର୍ଥୀ ଶାଫିଆ ଜୁବେର ବିଜେପି ପ୍ରାର୍ଥୀ ସୁୱାନ୍ତ ସିଂହଙ୍କୁ ୧୨,୨୨୮ ଖଣ୍ଡ ଭୋଟରେ ପରାସ୍ତ କରିଛନ୍ତି। ଏହାପରେ ସରକାର ଗଠନ ପାଇଁ ରାଜସ୍ଥାନରେ କଂଗ୍ରେସ ସ୍ପଷ୍ଟ ବହୁମତ ହାସଲ କରିଛି। ସଦ୍ୟ ସମାପ୍ତ ବିଧାନସଭା ନିର୍ବାଚନ ପରେ ୨୦୦ ଆସନ ବିଶିଷ୍ଠ ରାଜସ୍ଥାନରେ କଂଗ୍ରେସ ୯୯ଟି ଆସନରେ ଜିତିଥିଲା। ଆଜିର ଫଳାଫଳ ପରେ ରାଜସ୍ଥାନ ବିଧାନସଭାରେ କଂଗ୍ରେସ ବିଧାୟକ ସଂଖ୍ୟା ୧୦୦କୁ ବୃଦ୍ଧି ପାଇଛି।
ସେହିପରି ହରିଆଣାର ଜିନ୍ଦରେ ବିଜେପି ପ୍ରାର୍ଥୀ କ୍ରିଷନ୍ ମିଧା ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ଜନନାୟକ ଜନତା ପାର୍ଟି ପ୍ରାର୍ଥୀ ଦିଗବିଜୟ ସିଂହ ଚୌତାଲାଙ୍କୁ ୧୨,୨୪୮ ଖଣ୍ଡ ଭୋଟରେ ପରାସ୍ତ କରିଛନ୍ତି।
ଉପନିର୍ବାଚନ: ରାଜସ୍ଥାନରେ କଂଗ୍ରେସ, ହରିଆଣାରେ ବିଜେପି ବିଜୟୀ
Popular Categories
Previous article
Next article