ନୂଆଦିଲ୍ଲୀ: ୯ ହଜାର କୋଟି ଟଙ୍କାର ଋଣ ଠକେଇ ମାମଲାର ଅଭିଯୁକ୍ତ ମଦ ବ୍ୟବସାୟୀ ବିଜୟ ମାଲ୍ୟାଙ୍କ ସହିତ କ୍ରିକେଟର କ୍ରିସ ଗେଲଙ୍କ ଏକ ଫଟୋକୁ ସୋସିଆଲ ମିଡିଆରେ କଡ଼ା ସମାଲୋଚନା କରାଯାଇଛି। ଗେଲ୍ ଅନେକ ଆଇପିଏଲ ମ୍ୟାଚ ଖେଳିଛନ୍ତି। ମାଲ୍ୟାଙ୍କ ରୟାଲ ଚାଲେଞ୍ଜର୍ସ ବାଙ୍ଗାଲୋର ଟିମ୍ରେ ମଧ୍ୟ ଗେଲ୍ ଖେଳୁଥିଲେ। ନିକଟରେ ଗେଲ୍ ମାଲ୍ୟାଙ୍କ ସହିତ ଉଠାଇଥିବା ଏକ ଫଟୋକୁ ଟ୍ବିଟରରେ ଶେୟାର କରିଥିଲେ। ଏହା ପରେ ଟ୍ବିଟର ବ୍ୟବହାରକାରୀମାନେ ମାଲ୍ୟାଙ୍କୁ ଚୋର କରି ଗାଳିଗୁଲଜ କରିବା ସହିତ ସମାଲୋଚନା କରିଛନ୍ତି।
ଟ୍ବିଟର ବ୍ୟବହାରକାରୀଙ୍କୁ ଜବାବ ଦେବାକୁ ଯାଇ ମାଲ୍ୟା କହିଛନ୍ତି, ଯେଉଁମାନେ ମୋ ସାଙ୍ଗ ଗେଲ୍ ସହିତ ଫଟୋକୁ ସମାଲୋଚନା କରୁଛନ୍ତି ଦୟାକରି ଏସବୁ ବନ୍ଦ କରନ୍ତୁ। ମୋତେ ଚୋର କହିବା ଆଗରୁ ପ୍ରକୃତ ତଥ୍ୟ ବୁଝନ୍ତୁ। ନିଜ ବ୍ୟାଙ୍କଗୁଡ଼ିକ ପଚାରନ୍ତୁ ଯେ, ମୁଁ ଶତ ପ୍ରତିଶତ ଟଙ୍କା ଫେରସ୍ତ କରିବାକୁ କହୁଥିବାବେଳେ ସେମାନ କ’ଣ ପାଇଁ ନେଉନାହାନ୍ତି। ସୂଚନାଯୋଗ୍ୟ, ମାଲ୍ୟା ୯ ହଜାର କୋଟି ଟଙ୍କା ଋଣ ଠକେଇ କରିବା ପରେ ୨୦୧୬ରେ ଭାରତରୁ ଫେରାର ହୋଇଯାଇ ଲଣ୍ଡନରେ ରହୁଛନ୍ତି।
