ସମାଜ ଡିଜିଟାଲ ଡେସ୍କ: ବିହାର ମୁଖ୍ୟମନ୍ତ୍ରୀ ନୀତିଶ କୁମାର ନିର୍ବାଚନ ପୂର୍ବରୁ ଏକ ବଡ ଘୋଷଣା କରିଛନ୍ତି । ଆଗାମୀ ୫ବର୍ଷ ମଧ୍ୟରେ ଏକ କୋଟି ଯୁବକଙ୍କୁ ଚାକିରି ଦେବାକୁ ଘୋଷଣା କରିଛନ୍ତି ନୀତିଶ । ଏକ୍ସରେ ପୋଷ୍ଟ କରି ନୀତିଶ କହିଛନ୍ତି ଯେ ୨୦୨୦ରେ ସରକାରକୁ ଆସିବା ପରେ ୫୦ଲକ୍ଷ ଯୁବକଙ୍କୁ ସରକାରୀ ଚାକିରି ଏବଯ ନିଯୁକ୍ତି ଦେବାର ପ୍ରତିଶ୍ରୁତି ଦିଆଯାଇଥିଲା ତାହାର ପୁରଣ କରାଯାଇଛି । ଏବେ ଆମ ସରକାର ଆଗାମୀ ୫ବର୍ଷ ମଧ୍ୟରେ ୧କୋଟି ଯୁବକଙ୍କୁ ଚାକିରି ଓ ନିଯୁକ୍ତି ଦେବାର ଲକ୍ଷ୍ୟ ରଖିଛି । ଏହାସହିତ ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି ଯେ ସରକାର ରାଜ୍ୟରେ ଶିଳ୍ପ ଏବଂ ଆତ୍ମନିଯୁକ୍ତି ସ୍ଥାପନ କରୁଥିବା ଲୋକଙ୍କୁ ଅନେକ ପ୍ରକାର ସୁବିଧା ଦେଇ ପ୍ରୋତ୍ସାହିତ କରୁଛନ୍ତି । ଏବେ ବିହାରରେ ଶିଳ୍ପ ସ୍ଥାପନ ପାଇଁ ଉଦ୍ୟୋଗୀମାନଙ୍କୁ ଏକ ସ୍ୱତନ୍ତ୍ର ଆର୍ଥିକ ପ୍ୟାକେଜ ଦିଆଯିବ । ଶିଳ୍ପ ସ୍ଥାପନ ପାଇଁ ଘରୋଇ କ୍ଷେତ୍ରକୁ ଉତ୍ସାହିତ କରିବା ପାଇଁ ସରକାର ସ୍ୱତନ୍ତ୍ର ପ୍ୟାକେଜ ଦେବାକୁ ଘୋଷଣା କରିଛନ୍ତି ।
2020 में सात निश्चय-2 के तहत की गई घोषणा के क्रम में हमारी सरकार ने 50 लाख युवाओं को सरकारी नौकरी एवं रोजगार देने के लक्ष्य को पूरा कर लिया है। अब हमारी सरकार ने अगले 5 वर्षों में 1 करोड़ युवाओं को नौकरी एवं रोजगार देने का लक्ष्य रखा है। राज्य में उद्योग लगाने और स्वरोजगार करने…
— Nitish Kumar (@NitishKumar) August 16, 2025
