ଉଡ଼ନ୍ତା ବିମାନ ମଧ୍ୟରେ କୁନି ଝିଅର ଜୀବନ ରକ୍ଷା ପ୍ରସଙ୍ଗ, ଏମ୍ସ ଡାକ୍ତରୀ ଦଳକୁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ପ୍ରଶଂସା

ଡେସ୍କ: ଉଡ଼ନ୍ତା ବିମାନ ମଧ୍ୟରେ ଜଣେ ଦୁଇ ବର୍ଷର ଝିଅର ଜୀବନ ରକ୍ଷା କରିଥିବାରୁ ଦିଲ୍ଲୀର ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥା – ଏମ୍ସର ଡାକ୍ତର ଦଳକୁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭୀୟ ପ୍ରଶଂସା କରିଛନ୍ତି। ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭୀୟ ମଧ୍ୟ ସେହି ଝିଅର ଶୀଘ୍ର ଆରୋଗ୍ୟ କାମନା କରିଛନ୍ତି। ଗତକାଲି ବେଙ୍ଗାଲୁରୁରୁ ଦିଲ୍ଲୀ ଅଭିମୁଖେ ଯାତ୍ରା କରୁଥିବା ଜଣେ ଦୁଇ ବର୍ଷର ଝିଅ ନିଶ୍ୱାସ ନେବା ବନ୍ଦ କରି ଦେଇଥିଲା। ବିମାନରେ ଥିବା ଏମ୍ସ ଡାକ୍ତରଙ୍କ ଏକ ପାଞ୍ଚ ଜଣିଆ ଟିମ୍ ସେମାନଙ୍କ ଉଦ୍ୟମରେ ତା’ର ଜୀବନ ରକ୍ଷା କରିଥିଲେ।