ଭୁବନେଶ୍ଵର: ବରଗଡ ନାବାଳିକା ପୋଡି ଘଟଣାରେ ତଦନ୍ତକୁ ଜୋରଦାର କରିଛି ପୁଲିସ୍। ଗାଏସିଲେଟ୍ ଥାନାରେ ୩ ଜଣଙ୍କୁ ଅଟକ ରଖାଯାଇ ପଚରାଉଚରା କରାଯାଉଛି। ବିଭିନ୍ନ ଦିଗକୁ ନେଇ ଫିରିଙ୍ଗିମାଳ ଗାଁରେ ପୁଲିସ୍ ତଦନ୍ତ ଜାରି ରଖିଛି। ମିଳିଥିବା ସୂଚନା ଅନୁଯାୟୀ ଗତକାଲି ବରଗଡ଼ ଜିଲା ଗାଇସିଲେଟ ବ୍ଲକ ଅନ୍ତର୍ଗତ ଫିରିଙ୍ଗିମାଲ ଗାଁରେ ଅଭାବନୀୟ ଘଟଣା ଘଟିଥିଲା। ସୋମବାର ସକାଳେ ଗାଁ ନିକଟ ପଡ଼ିଆରେ ଜଳୁଥିବା ଏକ ୧୩ ବର୍ଷର ଝିଅକୁ ଗ୍ରାମବାସୀ ଉଦ୍ଧାର କରି ବୁର୍ଲା ଡାକ୍ତରଖାନାରେ ପହଞ୍ଚାଇଥିଲେ। ତେବେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ। ନାବାଳିକାର ଶରୀର ପ୍ରାୟ ଶତ ପ୍ରତିଶତ ଜଳିଯାଇଥିଲା। ଏ ନେଇ ଡାକ୍ତରଙ୍କଠାରୁ ଖବର ପାଇ ପୁଲିସ ଡାକ୍ତରଖାନାରେ ପହଞ୍ଚି ପରିବାର ଲୋକଙ୍କୁ ପଚରାଉଚୁରା କରିବା ସହ ଏକ ଅପମୃତ୍ୟୁ ମାମଲା ରୁଜୁ କରିଥିଲା। ଆଜି ପୁଲିସ୍ ଏହି ଘଟଣାରେ ୩ ଜଣଙ୍କୁ ଅଟକ ରଖି ପଚରାଉଚରା କରୁଛି।
Popular Categories
Previous article
Next article