ବରପାଲି଼: ବରପାଲି ବ୍ଲକ ସିମାନ୍ତ ଗାଁ ମାନଙ୍କରେ ବେଆଇନ ଭାବେ ପ୍ରସ୍ତୁତ ହେଉଥିବା ଦେଶିମଦ ରନ୍ଧାଯାଉଥିବା ସ୍ଥାନଗୁଡ଼ିକରେ ପୁଲିସ ବିଭାଗ ପକ୍ଷରୁ ଚଢ଼ାଉ କରାଯାଇଛି। ବିପୁଳ ପରିମାଣର ରନ୍ଧାମଦ ଓ ବ୍ୟବହୃତ ସାମଗ୍ରୀ ଜବତ ହୋଇଯାଯାଇଛି। ବର୍ତ୍ତମାନ କରୋନା ଜନିତ ସରକାରୀ ତାଲାବନ୍ଦର ସୂଯୋଗ ନେଇ ମାଫିଆମାନେ ବ୍ଲକର ବିଭିନ୍ନ ଗ୍ରାମରେ କାର୍ଯ୍ୟକ୍ରମକୁ ଅଗ୍ରଧିକାର ଦେଇ ବେଆଇନ କାରବାର ବେଫିକର ଭାବରେ ଚଳାଇ ଆସୁଛନ୍ତି। ବିଶ୍ବସ୍ତ ସୂତ୍ରରୁ ଖବରପାଇ ଥାନାଧିକାରୀ ରୋଜାଲିନ ପଟେଲଙ୍କ ନେତୃତ୍ୱରେ କନବାର ଗାଁର ବଣବୁଦା ଅଞ୍ଚଳ, ନଈନାଳ ଲୁକ୍କାୟିତ ସ୍ଥାନ, ଚାଷଜମି, ସନ୍ତସନ୍ତିଆ ବୁଣୁଆ ଅଞ୍ଚଳ ଉପରେ ଅତର୍କିତ ଚଢ଼ାଉ କରାଯାଇଥିଲା। ପୁଲିସକୁ ଅନେକ ସଫଳତା ମିଳିଥିଲେ ସୁଦ୍ଧା ଦେଶୀମଦ ରନ୍ଧା କାର୍ଯ୍ୟରେ ଲିପ୍ତଥିବା କର୍ମଚାରୀ ମାନଙ୍କୁ ଧରିବାରେ ଅସଫଳ ହୋଇଥିବା ଜଣାପଡ଼ିିଥିଲା। ପୋଲିସ ବିଭିନ୍ନ ·ଷଜମି ଓ ବଣବୁଦା ମଧ୍ୟରୁ ଶହଶହ ଲିଟର ମଦ ଓ ୧୫୦୦ କେଜି ରନ୍ଧନ ପାଇଁ ପ୍ରସ୍ତୁତ ରଖାଯାଇଥିବା ପୋଚ ଏବଂ ୨୧୦କେଜି ଶୁଖିଲା ମହୁଳ ଜବଦ ସହ ବ୍ୟବହୃତ ହେଉଥିବା ଆଲୁମିନିୟମ ଡ଼େକଚି ପ୍ଲାଷ୍ଟିକ ପାଇପ ପ୍ରଭୃତି ଜବତ କରିଥିଲା। ସେହିପରି ରନ୍ଧାଶାଳାଗୁଡ଼ିକ ଭାଙ୍ଗି ଦେଇଥିବା ବେଳେ ବ୍ୟବହୃତ ରବର ପାଇପ, ପ୍ଲାଷ୍ଟିକ ଜରି, ମାଟି ହାଣ୍ଡି ଭାଙ୍ଗି ଦେଇଥିଲେ। ସୂଚନାନୁଯାୟୀ ଲକଡ଼ାଉନ ଜାରି ହୋଇଥିବା ବେଳେ ମଦ ବେପାରିଙ୍କ କାରବାର ଚାଲିଥିବା ପୁଲିସ ନିକଟରେ ଖବର ପହଞ୍ଚିଥିଲା। ପୂର୍ବରୁ ପୁଲିସ ବହୁବାର ଚେଷ୍ଟା କରିଥିଲେ ମଧ୍ୟ ଅସଲ ବେପାରୀମାନଙ୍କୁ ଧରିବାରେ ଅସଫଳ ହୋଇଥିଲା। ସେହିପରି ବରପାଲି ବ୍ଲକ ରକ୍ସା ଗ୍ରାମରେ ପୁଲିସ ଓ ସ୍ଥାନୀୟ ଗାଁବାଲାଙ୍କୁ ନେଇ ମଦବନ୍ଦ ପାଇଁ ଏକ ଶାନ୍ତି ଆଲୋଚନା ମଧ୍ୟ ହୋଇଥିଲା। ଆଲୋଚନା ବେଳେ ଗାଁବାଲା କରୋନାର ପ୍ରକୋପ ଓ ଅଞ୍ଚଳର ମାନ ସମ୍ମାନକୁ ଦୃଷ୍ଟିକୁ ଆଣି ଆଗାମୀ ଦିନରେ କେହି ମଦ କାରବାରରେ ଲିପ୍ତ ନହେବା ପାଇଁ ସଂକଳ୍ପ ନେଇଥିଲେ।
Popular Categories
Previous article
Next article