ଭୁବନେଶ୍ବର : ସାମାଜିକ ଅନୁଷ୍ଠାନ ବନଫୁଲ ସହଯୋଗ ସମିତି ରାଜ୍ୟର ଅସହାୟ, ରୋଗୀ, ଗରିବ ଓ ନିରାଶ୍ରୟ ମାନଙ୍କୁ ସହଯୋଗର ହାତ ବଢାଉଛି। ଅସହାୟ ମଣିଷମାନଙ୍କ ଘରେ ପହଞ୍ଚି ବନଫୁଲ ସହଯୋଗ ସମିତି ଆର୍ଥିକ ସହାୟତା କରୁୁଛି । ଗତମାସରେ ବନଫୁଲ ସହଯୋଗ ସମିତି କେନ୍ଦ୍ରାପଡା ଜିଲ୍ଲାର ଗରିବ ଚାଷୀ ଦଧିବାମାନ ସାହୁଙ୍କ ବ୍ରେନ୍ ଷ୍ଟ୍ରୋକ ଖବର ପାଇ ତାଙ୍କ ଘରେ ପହଞ୍ଚି ତାଙ୍କୁ ଆର୍ଥିକ ସହାୟତା ପ୍ରଦାନ କରିଥିଲା । ସେହିପରି କେନ୍ଦ୍ରାପଡା ଜିଲ୍ଲା ରାଜନଗରରେ ଅସହାୟ ମଣିଷ ହୃଷି ରଣା, ଡାଂଗମାଳ ଗାଁର ଗିରିଧାରୀ ବେହେରା ଓ କଟକ ଜିଲ୍ଲାରେ ପକ୍ଷାଘାତ ପୀଡିତ ରମେଶ ବେହାରା ପ୍ରମୁକ୍ଷଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଥିଲା । ଏହା ସହିତ ସହଯୋଗ ସମିତି ସମାଜରେ ଅସହାୟ ମାନସିକ ବିକୃତ ବ୍ୟକ୍ତିମାନଙ୍କୁ ଖାଦ୍ୟ ଦେବା ସହ ପଶୁପକ୍ଷୀମାନଙ୍କୁ ମଧ୍ୟ ଖାଦ୍ୟ ଓ ସୁରକ୍ଷା ଯୋଗେଇ ଆସୁଛି । ସହଯୋଗ ସମିତିର ଏହି ମହତ କାର୍ଯ୍ୟ ଦେଖି ସାରା ଓଡିଶାରେ ଶୁଭେଚ୍ଛା ଓ ସାଧୁବାଦ ବାର୍ତ୍ତା ଆସି ପହଞ୍ଚିଛି । ଅନୁଷ୍ଠାନର ନିର୍ଦ୍ଦେଶକ ପବିତ୍ର ବ୍ରହ୍ମପୁତ୍ର ନାୟକ ସମାଜର ଅସହାୟ ମଣିଷଙ୍କ ପାଖକୁ ସହଯୋଗର ହାତ ଲମ୍ବି ଆସିବା ସଙ୍ଗେ ସଙ୍ଗେ ସମସ୍ତେ ସମାଜ ସେବା କରିବା ଆବଶ୍ୟକ ବୋଲି କହିଛନ୍ତି ।
Comments are closed.