ବଲାଙ୍ଗୀର : କଣ୍ଠଶିଳ୍ପୀ ତଥା ତଥା ଆଲବମ ଅଭିନେତ୍ରୀ ରୁଚି ସ୍ମିତା ଗୁରୁ ସ୍ଥାନୀୟ ସୁଦପଡା ସ୍ଥିତ ମାମୁଁ ଘରେ ଆତ୍ମହତ୍ୟା କରିଛନ୍ତି। ଘରୁ ତାଙ୍କର ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର ସହ ବ୍ୟବଚ୍ଛେଦ ପାଇଁ ପଠାଇଛି। ତେବେ ସେ କେଉଁ କାରଣରୁ ଆତ୍ମହତ୍ୟା କରିଛନ୍ତି ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ। ପୁଲିସ ଘଟଣାର ତଦନ୍ତ ଜାରି ରଖିଥିବା ବେଳେ ତାଙ୍କ ପରିବାର ଲୋକେ ନିରବ ରହିଛନ୍ତି ବୋଲି ସୂଚନା ମିଳିଛି।
ଖବର ଅନୁଯାୟୀ, ରୁଚିସ୍ମିତା ଗୁରୁଙ୍କ ନିଜ ଘର ସୋନପୁର ଜିଲା ବରମହାରାଜପୁରରେ। କିଛି ଦିନ ହେବ ସେ ନିଜ ମାଆଙ୍କ ସହ ମାମୁଁଘର ସୁଦପଡାକୁ ଆସିଥିଲେ। ପାରିବାରିକ ଅଶାନ୍ତି କାରଣରୁ ସେ ଆତ୍ମହତ୍ୟା କରିଛନ୍ତି ବୋଲି ସନ୍ଦେହ କରାଯାଉଥିଲେ ମଧ୍ୟ କୌଣସି ସ୍ପଷ୍ଟ ସୂଚନା ଏଯାବତ୍ ମିଳି ପାରି ନାହିଁ। ଟାଉନ ଥାନା ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇ ଭୀମ ଭୋଇ ଡାକ୍ତରଖାନା ପଠାଇଛି। ରୁଚିସ୍ମିତା ଜଣେ ଭଜନ ଗାୟିକା ଭାବେ ମଧ୍ୟ ପରିଚିତ। ଅନେକ ଆଲବମ୍ରେ ମଧ୍ୟ ସେ ଅଭିନୟ କରିଛନ୍ତି। ତାଙ୍କ ମୃତ୍ୟୁରେ ବିଭିନ୍ନ ମହଲରେ ଶୋକର ଛାୟା ଖେଳି ଯାଇଛି।
ଆଲବମ୍ ଅଭିନେତ୍ରୀ ରୁଚିସ୍ମିତାଙ୍କ ଆତ୍ମହତ୍ୟା
Popular Categories
Previous article
Next article