କେବେ କେବେ ଆମ ଭାଗ୍ୟ ବହୁତ ଭଲ ହୋଇଥାଏ । ଜାତକରେ ଗ୍ରହ ଏବଂ ଜୀବନରେ ଦଶା ମଧ୍ୟ ଅତି ଉତ୍ତମ ସ୍ଥାନରେ ରହିଥାନ୍ତି। କିନ୍ତୁ ତଥାପି ସମୟ ସହ ଭାଗ୍ୟ ସାଥ ଦେଇ ନଥାଏ । ହେବାକୁ ଯାଉଥିବା କୌଣସି କାର୍ୟ୍ୟ ହଠାତ୍ ଅଟକି ଯାଏ । ଆମ ଜୀବନ ସହ ଜଡିତ ଏ ସବୁ କାରଣ ପାଇଁ ର୍ଦୁଭାଗ୍ୟ ଆସିଥାଏ । ଆଉ ଏହି ର୍ଦୁଭାଗ୍ୟ ଆମେ ନିଜ ଅଜାଣତରେ ସୃଷ୍ଟି କରିଥାଉ । ଏସବୁରୁ ବର୍ତ୍ତିବା ପାଇଁ ହେଲେ କିଛି କାମ ଠାରୁ ଆମକୁ ଦୂରେଇ ରହିବାକୁ ପଡିବ ଏବଂ ଅନ୍ୟ କିଛି କାମ ସାବଧାନତା ସହ କରିବାକୁ ହେବ । ତେବେ ଆସନ୍ତୁ ଜାଣିବା କେଉଁ କେଉଁ କାର୍ୟ୍ୟ କରିବା ଦ୍ବାରା ଜୀବନରେ ର୍ଦୁଭାଗ୍ୟ ଆସିଥାଏ ।
ଖାଦ୍ୟ-ପାନୀୟ ଯୋଗୁଁ ଆସେ ର୍ଦୁଭାଗ୍ୟ
ବେଆଇନ କାରବାର ଲିପ୍ତ ଥିବା ବ୍ୟବସାୟୀଙ୍କ ଘରେ ଯଦି ଭୋଜନ ଗ୍ରହଣ କରୁଛନ୍ତି, ତେବେ ଆପଣଙ୍କ ସ୍ବାଭାବ ଓ ଅଭ୍ୟାସରେ ପରିବର୍ତ୍ତନ ଆସିଥାଏ ।
ଖରାପ ଚିନ୍ତାଧାରା ରଖୁଥିବା ବ୍ୟକ୍ତିଙ୍କ ଠାରୁ ଯଦି ଆପଣ ଖାଦ୍ୟ ଗ୍ରହଣ କରୁଛନ୍ତି, ତେବେ ଆପଣଙ୍କ ସମ୍ପର୍କ ବିଗିଡିବାର ସମ୍ଭାବନା ରହିଥାଏ ।
ଆପଣଙ୍କ ପାଇଁ ଖରାପ ଚିନ୍ତା କରୁଥିବା ବ୍ୟକ୍ତଙ୍କ ଠାରୁ ଭୋଜନ ଗ୍ରହଣ କଲେ, ସ୍ବାସ୍ଥ୍ୟାବସ୍ଥା ଖରାପ ହେବାର ଆଶଙ୍କା ରହିଥାଏ ।
ଯଦି କାହା ଠାରୁ ଜୋର କରି ବା ମାଗଣାରେ ଖାଦ୍ୟ ଖାଇଲେ, ଅର୍ଥ ଉର୍ପାଜନ ଓ ଧନ ଧୀରେ ଧୀରେ କମ୍ ହେବାରେ ଲାଗିଥାଏ ।
ତେବେ ଏହି ସବୁ ସମସ୍ୟାରୁ ମୁକ୍ତି ପାଇଁ ମଙ୍ଗଳବାର କୌଣସି ଗରିବଙ୍କୁ ଭୋଜନ ଦିଅନ୍ତୁ ଏବଂ ପ୍ରତିଦିନ ସକାଳେ ଭଗବାନ ହନୁମାନଙ୍କୁ ତୁଳସୀ ଜଳ ଅର୍ପଣ କରନ୍ତୁ ।
ପୋଷକରୁ କିଭଳି ଆସେ ର୍ଦୁଭାଗ୍ୟ
ଉତ୍ତମ ବସ୍ତ୍ର ଥାଇ ମଧ୍ୟ ଯଦି ଆପଣ ଖରାପ ବସ୍ତ୍ର ଧାରଣ କରୁଥାଆନ୍ତି, ତେବେ ଆପଣଙ୍କ ଜୀବନରେ ର୍ଦୁଭାଗ୍ୟ ଆସିଥାଏ ।
ଯଦି ଆପଣ ଜାଣି ଜାଣି ଅନ୍ୟକୁ ନିଜର ଖରାପ ବସ୍ତ୍ର ଦାନ ଦିଅନ୍ତି ତେବେ ଆପଣଙ୍କ ଜୀବନରେ ଦୁର୍ଭାଗ୍ୟ ଆସିଥାଏ । ଏହା ଦ୍ବାରା ଆପଣଙ୍କ ଆର୍ଥିକ ସ୍ଥିତି ମଧ୍ୟ ଖରାପ ହେବାରେ ଲାଗିଥାଏ ।
ପୋଷାକଜନିତ ର୍ଦୁଭାଗ୍ୟରୁ ବର୍ତ୍ତିବା ପାଇଁ ପରିଷ୍କାର ଓ ଉତ୍ତମ ବସ୍ତ୍ର ଧାରଣ କରନ୍ତୁ । ମଙ୍ଗଳବାର ଭଗବାନ ହନୁମାନଙ୍କୁ ଲାଲ ବସ୍ତ୍ର ଅର୍ପଣ କରନ୍ତୁ । ଭୁଲରେ ବି କାହାକୁ ଖରାପ ପୋଷାକ ଦିଅନ୍ତୁ ନାହିଁ ।
ମାଗଣାରେ ନେଇଥିବା ବସ୍ତୁ ବା ସେବା ଦ୍ବାରା ଆସିଥାଏ ର୍ଦୁଭାଗ୍ୟ
ଯଦି ଆପଣ କାହାଠାରୁ ମାଗଣାରେ ପୋଷାକ, ଖାଦ୍ୟ ଓ ପାନୀୟ ଏବଂ ବିନା ପାରିଶ୍ରମିକରେ ସେବା ନେଉଛନ୍ତି, ତାହାଲେ ଆଜାଣତରେ ଆପଣ ନିଜ ଭାଗ୍ୟ ସେହି ବ୍ୟକ୍ତିଙ୍କୁ ଦେଉଛନ୍ତି । ସେହିପରି ସେହି ବ୍ୟକ୍ତିର ର୍ଦୁଭାଗ୍ୟ ଆପଣଙ୍କ ଜୀବନକୁ ଚାଲି ଆସିଥାଏ ।
ଯଦି ଆପଣ ଏଭଳି କିଛି ଜିନିଷ ବା ସେବା ନେଉଛନ୍ତି ତେବେ ପ୍ରାପ୍ୟ ଅନୁଯାୟୀ ମୂଲ୍ୟ ଦିଅନ୍ତୁ । ଯଦି ଭୁଲ ବଶତଃ ଆପଣଙ୍କ ଦ୍ବାରା ଏଭଳି କାର୍ଯ୍ୟ ହୋଇ ସାରିଛି ତେବେ କୌଣସି ନିର୍ଧନ ବ୍ୟକ୍ତକୁ ଆପଣ ଅନ୍ନ ଓ ଧନ ଦାନ କରନ୍ତୁ । ଏହା ଦ୍ବାରା ଆପଣଙ୍କ ର୍ଦୁଭାଗ୍ୟ ନଷ୍ଟ ହେବ ।
ଜାଣନ୍ତୁ ଭ୍ରୂଣ ହତ୍ୟା ଓ ସ୍ତ୍ରୀ କୁ ଅପମାନ କରିବା ଦ୍ବାରା କିପରି ଆସେ ର୍ଦୁଭାଗ୍ୟ
ଯଦି ଆପଣ ଭ୍ରୂଣ ହତ୍ୟା କରୁଛନ୍ତି ବା କରାଉଛନ୍ତି ଏବଂ କୌଣସି ସ୍ତ୍ରୀ ସହ ଦୁର୍ବ୍ୟବହାର କରୁଛନ୍ତି ତେବେ ସେହି ମୁହୂର୍ତ୍ତରୁ ହିଁ ଆପଣଙ୍କ ଜୀବନରେ ର୍ଦୁଭାଗ୍ୟ ଆରମ୍ଭ ହୋଇଯିବ । ଆପଣଙ୍କ ବଂଶ ବୃଦ୍ଧି ଏବଂ ଉନ୍ନତିରେ ସମସ୍ୟା ନିଶ୍ଚିତ ସୃଷ୍ଟି ହେବ ।
ଯେଉଁ ପର୍ଯ୍ୟନ୍ତ ଜୀବନ-ମରଣକୁ ନେଇ ପ୍ରଶ୍ନ ଉଠିଛି ସେଯାଏଁ ଗର୍ଭପାତ କରନ୍ତୁ ବା କରାନ୍ତୁ ନାହିଁ ଏବଂ ଆବଶ୍ୟକୀୟ ନ ଥିଲେ କୌଣସି ସ୍ତ୍ରୀ ସହ କଠୋର ବ୍ୟବହାର କରନ୍ତୁ ନାହିଁ ।
ଯଦି ଆପଣ ଭ୍ରୂଣ ହତ୍ୟା କରିଛନ୍ତି ତେବେ ବହୁତ ଗୁଡିଏ ବର ଓ ଅଶ୍ବତ୍ଥ ବୃକ୍ଷ ଲଗାନ୍ତୁ । ନିତ୍ୟ ପ୍ରାତଃରେ ଗଜେନ୍ଦ୍ର ମୋକ୍ଷ ପାଠ କରନ୍ତୁ । ଯେଉଁ ସ୍ତ୍ରୀ ସହ ଖରାପ ବ୍ୟବହାର କରିଛନ୍ତି ତାଙ୍କୁ କ୍ଷମା ପ୍ରାର୍ଥନା କରିବା ଉତ୍ତମ ହେବ ।
