ଆଠଗଡ଼: ଆଠଗଡ଼ ବ୍ଲକ ଅନ୍ତର୍ଗତ ସମସରପୁର ଗ୍ରାମରେ ଏକ ପବିତ୍ର ତଥା ଆଧ୍ୟାତ୍ମିକ ବାତାବରଣରେ ଶ୍ରୀ ଶ୍ରୀ ଗୁରୁଣ୍ଡିଗୋପାଳ ଜୀଉଙ୍କ ନୂତନ ମନ୍ଦିର ଓ ବିଗ୍ରହ ପ୍ରତିଷ୍ଠା କାର୍ଯ୍ୟକ୍ରମ ଆରମ୍ଭ ହୋଇଛି। ଗ୍ରାମବାସୀଙ୍କ ଅକୁଣ୍ଠ ସହଯୋଗରେ ଚାଲିଥିବା ଏହି ଆଧ୍ୟାତ୍ମିକ କାର୍ଯ୍ୟକ୍ରମ ଅବସରରେ ମଙ୍ଗଳବାର ଅଙ୍କୁରାରୋପଣ, ମଣ୍ଡଳକରଣ ଓ ଧ୍ୟାନାଧିବାସ ସଂପନ୍ନ ହେବା ପରେ ବୁଧବାର ଶତାଧିକ ମହିଳା ଓ ପୁରୁଷ ଶ୍ରଦ୍ଧାଳୁ ସାପୁଆନଦୀରୁ ଜଳକଳସ ଧାରଣ କରି ଏକ ଶୋଭାଯାତ୍ରାରେ ଆସିବା ପରେ ମନ୍ଦିର ସଂଲଗ୍ନ ଯଜ୍ଞମଣ୍ଡପରେ ଘଟସ୍ଥାପନ କରାଯାଇଥିଲା। ପରେ ପରେ ଦେବତା ଆବାହନ ଓ ଅଗ୍ନିସ୍ଥାପନ ସହିତ ଯଜ୍ଞ ଆରମ୍ଭ ହୋଇଛି। ଆସନ୍ତା ଶୁକ୍ରବାର ନୂତନ ବିଗ୍ରହଙ୍କର ସିଂହାସନ ଆରୋହନ ଓ ପୂର୍ଣ୍ଣାହୁତି ସଂପନ୍ନ ହେବ ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ। ଗ୍ରାମର ମୁରବୀ କଣ୍ଡୁରୀ ଚରଣ ନାୟକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି ମନ୍ଦିର ଓ ବିଗ୍ରହ ପ୍ରତିଷ୍ଠା କାର୍ଯ୍ୟକ୍ରମ ପରିଚାଳାନାରେ ନିରଞ୍ଜନ ସ୍ୱାଇଁ, ରାଧାମୋହନ ସାହୁ, ପଠାଣୀ ସେନାପତି ଗଣେଶ୍ୱର ବେହେରା, ହରିହର ନାୟକ, ଶ୍ରୀଧର ସାହୁ, ଗନ୍ଧର୍ବ ବେହେରାଙ୍କ ସମେତ ସମସ୍ତ ଗ୍ରାମବାସୀ ସହଯୋଗ କରୁଛନ୍ତି।
Popular Categories
Previous article
Next article