www.samajalive.in
Tuesday, December 9, 2025
15.1 C
Bhubaneswar

ଆମେରିକା ବିମାନ-ହେଲିକପ୍ଟର ଦୁର୍ଘଟଣା, ୬୪ ମୃତ

ଡେସ୍କ: ଆମେରିକା ଓ୍ଵାସିଂଟନ୍ ଡିସିର ପୋଟୋମାକ୍ ନଦୀ ଉପରେ ମଝି ଆକାଶରେ ବିମାନ ଓ ହେଲିକପ୍ଟର ଦୁର୍ଘଟଣାଗ୍ରସ୍ତ ହେବା ପରେ କେହି ଜୀବିତ ନଥିବା ଅନୁମାନ କରାଯାଉଛି। ରୋନାଲ୍ଡ ରେଗାନ୍ ଜାତୀୟ ବିମାନବନ୍ଦର ନିକଟରେ ବିମାନଟି ମୁହାଁମୁହିଁ ଧକ୍କା ହେବା ସମୟରେ ଆମେରିକୀୟ ଏୟାରଲାଇନ୍ସ ବିମାନରେ ୬୪ ଜଣ ଏବଂ ସାମରିକ ହେଲିକପ୍ଟରରେ ୩ ଜଣ ଥିଲେ। ଜରୁରୀକାଳୀନ ସେବା ମୁଖ୍ୟ ଜନ୍ ଡୋନେଲି କହିଛନ୍ତି ଯେ ବର୍ତ୍ତମାନ ସୁଦ୍ଧା ୨୮ଟି ମୃତଦେହ ମିଳିଛି।

ସେଠାକାର ପରିବହନ ସଚିବ କହିଛନ୍ତି, ଉଭୟ ବିମାନ ଓ ହେଲିକପ୍ଟରରେ ଅଭିଜ୍ଞ ପାଇଲଟ ଥିଲେ ଏବଂ ଦୁର୍ଘଟଣା ପୂର୍ବରୁ ସବୁକିଛି ସ୍ୱାଭାବିକ ଥିଲା, କିନ୍ତୁ ନିଶ୍ଚିତ ଭାବରେ କିଛି ଘଟିଲା। ଇତି ମଧ୍ୟରେ ଦୁର୍ଘଟଣାର କାରଣ ଜାଣିବା ଲାଗି ଅନୁସନ୍ଧାନ ଆରମ୍ଭ ହୋଇଛି। ଯାତ୍ରୀବାହୀ ବିମାନ ବିମାନବନ୍ଦର ନିକଟବର୍ତ୍ତୀ ହେଉଥିବା ବେଳେ ସେହି ସ୍ଥାନରେ ହେଲିକପ୍ଟର କାହିଁକି ଉଡୁଥିଲା ବୋଲି ଅନୁସନ୍ଧାନକାରୀମାନେ ଜାଣିବାକୁ ଚାହିଁଛନ୍ତି। ଏହା ପୂର୍ବରୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ସମାନ ପ୍ରଶ୍ନ କରିଥିଲେ ଯେ ହେଲିକପ୍ଟର କାହିଁକି ଉପରକୁ କିମ୍ବା ତଳକୁ ଗଲାନାହିଁ, କିମ୍ବା ଅନ୍ୟ ଦିଗକୁ ମୁହାଁଇଲା ନାହିଁ।

- Advertisement -

ସେନା ହେଲିକପ୍ଟର ସହ ଯାତ୍ରୀବାହୀ ବିମାନ ଧକ୍କା ହେବା ପରେ ବିମାନଟି ୩ ଖଣ୍ଡ ହୋଇ ନଦୀ ମଧ୍ୟକୁ ଖସିପଡିଥିଲା। ଦୁର୍ଘଟଣାରେ କେହି ବି ଜୀବିତ ନଥିବା ସେଠାକାର ଅଗ୍ନିଶମ ଅଧିକାରୀ କହିଛନ୍ତି। ପ୍ରବଳ ଥଣ୍ଡା ଯୋଗୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେଉଥିବା ସୂଚନା ମିଳିଛି।

Hot this week

ଅତିରିକ୍ତ ବ୍ୟୟ ମଞ୍ଜୁରୀ ବିଲ୍  ବିଧାନସଭାରେ ପାରିତ

 ଭୁବନେଶ୍ୱର - ରାଜ୍ୟର ଅତିରିକ୍ତ ବ୍ୟୟ ମଞ୍ଜୁରୀ ବିଲ୍  ବିଧାନସଭାରେ ପାରିତ...

ସମ୍ବଲପୁର ସାମ୍ବାଦିକମାନଙ୍କ ପାଇଁ କଳା ବର୍ଷ ସାଜିଛି ୨୦୨୫-ପ୍ରାଣ ହରାଇଲେଣି ୩ ଜଣ ଯୁବ ସାମ୍ବାଦିକ

ସମ୍ବଲପୁର : ସୋମବାର ଏକ ମର୍ମଦୁନ୍ତ ସଡକ ଦୁର୍ଘଟଣାରେ ରେଢ଼ାଖୋଲର କାର୍ଯ୍ୟରତ...

ବିଜିୟୁ ପକ୍ଷରୁ ୮ମ ସମାବର୍ତ୍ତନ ଉତ୍ସବ ପାଳିତ

ଭୁବନେଶ୍ୱର: ବିର୍ଲା ଗ୍ଲୋବାଲ ୟୁନିଭରସିଟି (ବିଜିୟୁ) ପକ୍ଷରୁ ଏହାର ୮ମ ସମାବର୍ତ୍ତନ...

ରାଜ୍ୟସ୍ତରୀୟ ବାହୁକୁସ୍ତି ପ୍ରତିଯୋଗିତା: କଟକର ଚନ୍ଦନ, ଆଦିତ୍ୟ ଚମ୍ପିଆନ

ଆଠଗଡ: ଆଠଗଡ ବାହୁକୁସ୍ତି ଆସୋସିଏସନ ଆନୁକୂଲ୍ୟରେ ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ...

Related Articles

Popular Categories