ହିନ୍ଦୁ ଧର୍ମରେ ଅକ୍ଷୟ ତୃତୀୟା ପର୍ବର ଅନେକ ମହତ୍ତ୍ୱ ରହିଛି। ଏହି ଦିନ ଭଗବାନ ବିଷ୍ଣୁ ଓ ମା’ଲକ୍ଷ୍ମୀଙ୍କର ପୂଜାର୍ଚ୍ଚନା କରିବାର ମାନ୍ୟତା ରହିଛି। ଏହା ବ୍ୟତୀତ ଅକ୍ଷୟ ତୃତୀୟାରେ ସୁନା କିଣିବାର ମଧ୍ୟ ପରମ୍ପରା ରହିଛି। ଏହାସହ ଅନ୍ୟ ଧାତୁ ଓ ଆଭୂଷଣ କିଣିବାର ମଧ୍ୟ ମାନ୍ୟତା ରହିଛି। ଅକ୍ଷୟ ତୃତୀୟାରେ ରାଶି ଅନୁଯାୟୀ ଧାତୁ କିଣିବା ଦ୍ୱାରା ଅତ୍ୟନ୍ତ ଶୁଭଫଳ ପ୍ରାପ୍ତି ହୋଇଥାଏ। ଜାଣନ୍ତୁ..
ମେଷ ଓ ସିଂହ ରାଶି – ଏହି ରାଶିର ବ୍ୟକ୍ତି ବିଶେଷ ସୁନା ଓ ତମ୍ବା ଜିନିଷ କିଣି ପାରିବେ। ଏପରି କରିବା ଦ୍ୱାରା ମା’ଲକ୍ଷ୍ମୀ ପ୍ରସନ୍ନ ହେବା ସହ ସମସ୍ତ ମନସ୍କାମନା ପୂରଣ ହୋଇଥାଏ।
ବୃଷ ଓ କର୍କଟ ରାଶି – ଏହି ରାଶିର ବ୍ୟକ୍ତି ବିଶେଷ ଅକ୍ଷୟ ତୃତୀୟାରେ ସୁନା ଓ ଚାନ୍ଦିରେ ତିଆରି ଆଭୂଷଣ କିଣି ପାରିବେ। ଏହାଦ୍ୱାରା ଖୁବ ଉନ୍ନତି ହୋଇଥାଏ।
ମିଥୁନ ଓ କନ୍ୟା ରାଶି – ଏହି ରାଶିର ବ୍ୟକ୍ତି ବିଶେଷ ଅକ୍ଷୟ ତୃତୀୟାରେ କଂସା ଧାତୁରେ ତିଆରି ଆଭୂଷଣ କିଣିପାରିବେ। ଢାଳ, ଥାଳି ଆଦି କିଣିବା ଦ୍ୱାରା ବ୍ୟବସାୟରେ ଲାଭ ଓ ଉନ୍ନତି ସହ କର୍ମକ୍ଷେତ୍ରରେ ପଦୋନ୍ନତି ହୋଇଥାଏ।
ବିଛା ରାଶି – ଏହି ରାଶିର ବ୍ୟକ୍ତି ବିଶେଷ ଅକ୍ଷୟ ତୃତୀୟାରେ ତମ୍ବାରେ ତିଆରି ଜିନିଷ କିଣନ୍ତୁ। ଏହା ଦ୍ୱାରା ସୁଖସମୃଦ୍ଧି ବୃଦ୍ଧି ହୋଇଥାଏ।
ଧନୁ ଓ ମୀନ ରାଶି – ଏହି ରାଶିର ବ୍ୟକ୍ତି ବିଶେଷ ପିତ୍ତଳ ଓ ସୁନା କିଣି ପାରିବେ। ଏହାଦ୍ୱାରା ଅଟକି ଥିବା କାର୍ଯ୍ୟରେ ସଫଳତା ମିଳିଥାଏ।
ମକର – ଏହି ରାଶିର ବ୍ୟକ୍ତି ବିଶେଷ ଅକ୍ଷୟ ତୃତୀୟାରେ ଷ୍ଟିଲ୍ର ବାସନ କିମ୍ବା ଲୁହାରେ ପ୍ରସ୍ତୁତ ଜିନିଷ କିଣିବା ଦ୍ୱାରା ଭଗବାନ ଶନିଙ୍କ ବିଶେଷ କୃପା ଓ ଆଶୀର୍ବାଦ ମିଳିଥାଏ।
