ଆରଡି,: ଚଳିତବର୍ଷ ମହାମାରୀ କରୋନାର ଭୟଭୟତାକୁ ନେଇ ସରକାର ସମସ୍ତ ଶିବାଳୟରେ ବନ୍ଦ କରିଛନ୍ତି ଶ୍ରାବଣୀମେଳା। ଏପରିକି କୌଣସି ଶିବାଳୟରେ କାଉଡିଆ ଜଳଲାଗି କରିବେ ନାହିଁ ବୋଲି ସମସ୍ତ ମନ୍ଦିର ପ୍ରଶାସନ ଓ ଜିଲା ପ୍ରଶାସନକୁ ନିର୍ଦେଶ ଦେଇଛନ୍ତି ସରକାର। ହେଲେ ପ୍ରସିଦ୍ଧ ଶୈବକ୍ଷେତ୍ର ଆରଡିଧାମରେ କଟକଣାକୁ ଫୁ କରି କେତେକ କାଉଡିଆ କୋଭିଡ ନିୟମ ଭାଙ୍ଗି ମଣିବାବାଙ୍କ ଶିବଗଙ୍ଗା ପୁଷ୍କରିଣୀକୂଳରେ ଥିବା ବାସୁଆବଳଦ ଉପରେ ଢାଳିଥିଲେ ପାଣି। ସରକାର ଅଗଷ୍ଟମାସରେ କଟକଣାକୁ କୋହଳ କରିବା ସହ ଧର୍ମାନୁଷ୍ଠାନ ଖୋଲିବା ପାଇଁ ଜିଲାପାଳଙ୍କୁ ଦାୟୀତ୍ବ ଦେଇଛନ୍ତି। ଏପରିକି ସ୍ଥିତି ଦେଖି ମନ୍ଦିର ପରିଚାଳନା କମିଟର ପରାମର୍ଶ କ୍ରମେ ଖୋଲିବା ପାଇଁ ପରାମର୍ଶ ଦେଇଛନ୍ତି ରାଜ୍ୟ ସରକାର।
ଏପରିକି ପୂର୍ବରୁ ଶ୍ରାବଣୀମେଳା ପାଇଁ ଜାରି ରହିଛି କଟକଣା। ଏହି ନିୟମକୁ ନ ମାନି ସହାସ୍ରାଧିକ ଭକ୍ତ ଭିଡ ଜମାଇଥିଲେ ଆରଡିପୀଠ ଆଖଣ୍ଡଳମଣିଙ୍କ ମନ୍ଦିର ପରିସରରେ। ଏପରିକି କୋଭିଡ ନିୟମ ପାଳନ କରିବାତ ଦୂରର କଥା ନା ଅଛି ସାମାଜିକ ଦୂରତା ନା ଅଛି କାହାରି ମୁହଁରେ ମାକ୍ସ। ପିଲା ଠୁଁ ବୟସ୍କ ବ୍ୟକ୍ତି ସମସ୍ତେ ଭିଡାଭିଡି ହୋଇ ଜାଳିଥିଲେ ଦୀପ।
