ଅହମ୍ମଦାବାଦ : ଗୁଜୁରାଟର ଅହମ୍ମଦାବାଦ ନଗରୀରେ ମହାପ୍ରଭୁ ଶ୍ରୀଜଗନ୍ନାଥଙ୍କର ୧୪୨ତମ ବାର୍ଷିକ ରଥଯାତ୍ରା କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଆରମ୍ଭ ହୋଇଛି । ପାରମ୍ପରିକ ଭାବେ ମହାପ୍ରଭୁ ଶ୍ରୀଜଗନ୍ନାଥଙ୍କ ରଥ ପରେ ବଡ଼ଭାଇ ବଳଦେବ ଏବଂ ଭଉଣୀ ସୁଭଦ୍ରାଙ୍କ ରଥ ଟଣା ଯାଉଛି।
୪୦୦ବର୍ଷର ପୁରୁଣା ଜାମଲ୍ପୁର ଜଗନ୍ନାଥ ମନ୍ଦିରରୁ ଏହି ଐତିହାସିକ ରଥଯାତ୍ରା ଆରମ୍ଭ ହୋଇଛି। ସ୍ୱରାଷ୍ଟ୍ର ମନ୍ତ୍ରୀ ଅମିତ୍ ଶାହା ଓ ତାଙ୍କ ପତ୍ନୀ ସୋନାଲ ସାହାଗୁରୁବାର ସକାଳେ ମଙ୍ଗଳ ଆଳତୀରେ ଯୋଗ ଦେଇଥିଲେ। ପହଣ୍ଡି ବିଜେ ପରେ ମୁଖ୍ୟମନ୍ତ୍ରୀ ବିଜୟ ରୁପାଣୀ ସୁନା ପହଁରାରେ ଛେରା ପହଁରା କରିଥିଲେ।
୧୮ କିଲୋମିଟର ଦୀର୍ଘ ଏହି ରଥଯାତ୍ରା ପାଇଁ ଅନେକ ଦିନ ଧରି ପ୍ରସ୍ତୁତି ଚାଲିଥିଲା। ଇସ୍ରାଏଲ ଡ୍ରୋନ, ସିସିଟିଭି, ଡ଼ଗ ସ୍କ୍ବାର୍ଡ, ଏନଏସଜି କମାଣ୍ଡୋ, ଏସଆରପି, ଚେତକ କମାଣ୍ଡୋ ସମେତ ଗୁଜରାଟ ପୁଲିସର ୨୫,୦୦୦ ଯବାନ ଏବଂ ଅଧିକାରୀଙ୍କୁ ସୁରକ୍ଷା ଦାୟିତ୍ବରେ ନିୟୋଜିତ କରାଯାଇଛି । ଅହମ୍ମଦାବାଦ ବ୍ୟତୀତ ସୁରଟ, ରାଜକୋଟ, ବରୋଦା, ଜାମନଗର, ଭାବନଗର ସମେତ ୧୨୫ରୁ ଅଧିକ ସହରରେ ରଥଯାତ୍ରା ଅନୁଷ୍ଠିତ ହେଉଛି।
