ତାଇପେଇ : ତାଇୱାନ୍ର ପୂର୍ବାଞ୍ଚଳ ସହର ହୁଆଲେନ୍ର ଉତ୍ତରରେ ଶୁକ୍ରବାର ଭୟାବହ ରେଳ ଦୁର୍ଘଟଣା ଘଟିଛି। ଏଥିରେ ୪୮ଯାତ୍ରୀ ପ୍ରାଣ ହରାଇଥିବାବେଳେ ପ୍ରାୟ ୭୦ରୁ ଅଧିକ ଆହତ ହୋଇଛନ୍ତି। ଅଗ୍ନିଶମ ବିଭାଗ ପକ୍ଷରୁ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ ହେବାରେ ଅନେକଙ୍କ ଜୀବନ ରକ୍ଷା ହୋଇପାରିଛି; ତେବେ ଅନେକଙ୍କ ଅବସ୍ଥା ସଂକଟାପନ୍ନ ଥିବାରୁ ମୃତ୍ୟୁ ସଂଖ୍ୟା ବଢ଼ିବା ଆଶଙ୍କା ରହିଛି। ଗତ ୪ଦଶନ୍ଧି ମଧ୍ୟରେ ଏହା ସବୁଠୁ ମର୍ମନ୍ତୁଦ ଦୁର୍ଘଟଣା ବୋଲି କୁହାଯାଉଛି। ରେଳ ରାଜଧାନୀ ତାଇପେଇରୁ ଦକ୍ଷିଣ-ପୂର୍ବାଞ୍ଚଳ ସହର ତାଇତୁଙ୍ଗ ଅଭିମୁଖେ ଯାଉଥିଲାବେଳେ ଏକ ଟ୍ରକ୍ ଏହାର ସମ୍ମୁଖକୁ ଆସିଯିବାରୁ ଏଥିସହିତ ଧକ୍କା ଖାଇ ଧାରଣାଚ୍ୟୁତ ହୋଇଥିଲା। ରେଳ ଏକ ସୁଡ଼ଙ୍ଗ ଅତିକ୍ରମ କରିବା ସମୟରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାଗ୍ରସ୍ତ ରେଳରେ ୫୦୦ରୁ ଅଧିକ ଯାତ୍ରୀ ଥିଲେ। ସେମାନଙ୍କ ମଧ୍ୟରୁ ଅଧିକାଂଶ ପର୍ଯ୍ୟଟକ ଥିବାବେଳେ ଅନେକ ଶୁକ୍ରବାର ଛୁଟି ଯୋଗୁଁ ଘରକୁ ଫେରୁଥିଲେ। ପୁଲିସ ଟ୍ରକ୍ଚାଳକକୁ ଗିରଫ କରି ପଚରାଉଚୁରା ଚଳାଇଛି।
Popular Categories
Previous article
Next article